Ռուսաստանն ակնկալում է, որ Կորեական թերակղզում ռազմական սցենարը չի իրականացվի, հայտարարել է ՌԴ ԱԳ նախարար Սերգեյ Լավրովը:
Ըստ նրա՝ ԱՄՆ-ն ամեն անգամ փորձում է սպառնալ պատժամիջոցների և ուժի կիրառմամբ. «Հուսով եմ, որ այդ սցենարը, որը, ըստ փորձագետների, մինչև մեկ միլիոն և ավել մարդկային կյանքեր կխլի, այնուամենայնիվ չի իրականացվի, եւ որ Միացյալ Նահանգներն առնվազն կսկսեն խորհրդակցել այն երկրների հետ, որոնց կվերաբերի այս իրավիճակը, եւ առաջին հերթին՝ Հարավային Կորեայի և Ճապոնիայի ղեկավարության հետ»,- ասել է Լավրովը՝ հավելելով, որ ուժի կիրառումն աշխարհի այս տարածաշրջանում աղետալի կլինի:
