News
Լրահոս
News
Երեքշաբթի
Հունվար 25
USD
481.63
EUR
545.49
RUB
6.17
Տեսնել լրահոսը

Հայաստանի Հանրապետության քաղաքացին չունի Սերժ Սարգսյան անունով վարչապետ։ Այդ մասին Հանրապետության հրապարակում ընթացող հանրահավաքում ասել է ԱԺ պատգամավոր Նիկոլ Փաշինյանը։

Նրա խոսքով, կանադահայ դերասանուհի Արսինե Խանջյանը բաց նամակ է գրել, որտեղ հիշեցրել է, թե տարիներ առաջ Սերժ Սարգսյանը իր հետ զրույցում ասել է, թե հայ ժողովուրդը ոչխարի հոտի պես է։ Արսինե Խանջյանը իր նամակում փորձել է պատճառ բերել, թե Սերժ Սարգսյանը միգուցե ճնշման տակ է եղել։ «Դրա պատճառը բոլորովին ուրիշ է։ Նա իր կյանքում հիմնականում շփվում է ՀՀԿ խմբակցության պատգամավորների հետ։ Եւ ահա այդ հոտի կողմից Սերժ Սարգսյանը այսօր հռչակվել է Հայաստանի վարչապետ։ Ես կռահում եմ, որ այսօր շատերը կասեն, թե ահա, ոչինչ, չփոխվեց, եւ Սերժ Սարգսյանը վերստին իշխանության առաջին դեմքն է»,- ասել է Փաշինյանն ու հավելել. «Բայց ես պատասխանատու հայտարարում եմ՝ ամեն ինչ փոխվել է։ Այսօր Սերժ Սարգսյանը չունի հպատակ ժողովուրդ, չունի կառավարելու ժողովուրդ։ Հայաստանի Հանրապետության քաղաքացին չունի Սերժ Սարգսյան անունով վարչապետ»։

Ըստ Փաշինյանի, շարժումը երկու օր փոխել է իր էությունը։ «Ես շատերից ներողություն եմ խնդրում, որովհետեւ ես ոչ մի րոպեով չեմ կարողանում միացնել իմ հեռախոսը, այն պայթում է  զանգերից, հատկապես սփյուռքից։ Ինձ զանգում են, լացակումաց արտասվելով ասում են՝ մի ասեք, սա շարժում է Սերժ Սարգսյանի դեմ։ Սա հայ ժողովրդի երկրորդ զարթոնքն է։ Այս զարթոնքը պիտի փոխի Հայաստանը։ Այս զարթոնքը պիտի փոխի մեր երեխաների ապագան, իշխանությունը Հայաստանում»,- նշել է նա։

Նշենք, որ նրա ելույթի ժամանակ միջադեպ եղավ։ Ցուցարարներից մեկը հայտնեց, թե երկու հոգի «համը հանում են»։ «Էս Շմայսի բրիգադին հանեք ստեղից, առանց բռնության հանեք»,- հրահանգել է Փաշինյանը։

«Մենք գտել ենք այն մեթոդը, որով պիտի ծնկի բերենք Սերժ Սարգսյանին եւ հանրապետական կուսակցությանը։ Այս շարժումը մի ղեկավար ունի, մի առաջնորդ, եւ այդ առաջնորդը դու ես»,- ասել է նա՝ դիմելով քաղաքացիներին։

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
101-րդ օրվա անելիքը. հանել ուժայիններին բիզնեսից, ամրացնել կենտրոնացված կառավարումը եւ չբարիկադավորվել
Վերադարձ հնին հնարավոր չէ, բայց ապագայի տարբերակները շատ են…
Որոշվել է սեղմ ժամկետներում կասեցնել ԵԿՄ նախագահ Մանվել Գրիգորյանի լիազորությունները. ԵԿՄ փոխնախագահ
ԵԿՄ ազատամարտիկներն ու ԵԿՄ վարչության անդամները խստորեն դատապարտում են տեղի ունեցած...
Արտակ Մանուկյանը նշանակվել է վարչապետի խորհրդական
Ամեն ինչ կանեմ, որ արդարացնեմ ու արժանի լինեմ նման վստահությանը։ Ծառայում եմ Հայաստանի Հանրապետությանը...
Սուպերվարչապետությունը պետք է վերանա, բայց դա չի նշանակում, որ իշխանությունը պետք է հավասար բաշխվի. ՀՀ վարչապետ
Հայաստանում էլ իշխանությունը երբեք հավասար բաշխված չի լինելու, որովհետեւ պետք է հստակ լինի, թե ով է իշխանության պատասխանատուն…
Ժողովուրդն իր հաղթանակը չի կորցնի. Փաշինյանը՝ արտահերթ ընտրությունների հնարավոր արդյունքների մասին
Ես համոզված եմ, որ ընտրությունների արդյունքում ժողովուրդը կտոնի իր հաղթանակը...
Անկախ նրանից, թե ինչ փաթեթավորմամբ հետ կկանգնենք ընտրական օրենսգրքից, դա կլինի նահանջ. Արփինե Հովհաննիսյան
Ընտրական օրենսգրքի ընդունումը պետք է լինի նույն ոճով ու ձեւաչափով, որով ընդունվել է ներկա ԸՕ-ն…
Ֆոտոռեպորտաժներ