Հարավային Կորեայի զինծառայողները Հյուսիսային Կորեայի երկու քաղաքացիների են ձերբակալել հարավկորեական տարածքային ջրերում, երկու հյուսիսկորեացիներն էլ հայտնել են, որ ցանկանում են ապաստան ստանալ։ Այս մասին, Ռյոնհափ գործակալությանը հայտնել են կառավարական շրջանակներում նրա աղբյուրները։
Հարավկորեացի զինվորականները փոքրիկ նավակը նկատել են Պեննոյնդո կղզուց ոչ հեռու, որը գտնվում է այսպես կոչված «հյուսիսային բաժանարար գծի» մոտ՝ վիճելի ծովային սահման Հյուսիսի ու Հարավի միջեւ։
Նավակում Հյուսիսային Կորեայի երկու քաղաքացի են եղել, մեկը՝ զինծառայող։ Երկուսն էլ ցանկություն են հայտնել չվերադառնալ հայրենիք ու ապաստան ստանալ Հարավային Կորեայում։
Գործակալությունը նշում է, որ հյուսիսկորեացի քաղաքացիների փախուստի այս դեպքը առաջինն է ապիլի 27-ին Հյուսիսային ու Հարավային Կորեաների առաջնորդների գագաթնաժողովից հետո, որի արդյունքներով կնքվել է Փհանմունջոմյան հռչակագիրը, որտեղ կողմերը հայտնել են, որ մտադիր են ապամիջուկայնացնել Կորեական թերակղզին, լավացնել հարաբերությունները, ձգտել համատեղ բարգավաճման ու խաղաղ վերամիավորման։