Հյուսիսային Կորեայի ԱԳ նախարար Րի Յոնգ Հոն մտահոգություն է հայտնել Փհենյանի հանդեպ ԱՄՆ-ի վերաբերմունքի առիթով, բայց նշել է, որ երկիրը վճռական է ապամիջուկայնացման համաձայնության իրականացման հարցում, որը ձեռք է բերվել հունիսին Վաշինգտոնում:
«Հյուսիսային Կորեան վճռական է համաձայնությունների իրականացման հարցում, որոնք նշված են երկու երկրների առաջնորդների համատեղ հայտարարությունում: Սակայն մենք անհանգստացած ենք ԱՄՆ-ի կողմից համառ քայլերի առիթով, որոնք նման են նախկին դիրքորոշմանն ու հեռու են երկրի առաջնորդի մտադրություներից»,- ասել է նա:
«Մենք բարի կամքի ժեստ նախաձեռնեցինք, մասնավորապես, միջուկային եւ հրթիռայի փորձարկումների մորատորիում եւ միջուկային փորձադաշտի ապամոնտաժում»,- նշել է նա:
Պաշտոնյայի խոսքով՝ այդ միջոցներին արձագանքելու փոխարեն ԱՄՆ-ն ավելի ու ավելի բարձր է խոսում Փհենյանի դեմ պատժամիջոցների պահպանման անհրաժեշտության մասին եւ « նույնիսկ հայտարարված պատերազմի ավարտից նահանջելու միտում է ցուցադրում՝ շատ պարզ եւ հիմնական քայլ Կորեական թերակղզում խաղաղության ապահովման համար»: