News
Լրահոս
News
Ուրբաթ
Ապրիլ 26
Տեսնել լրահոսը

Կենտրոնական ընտրական հանձնաժողովը առաջատար թեկնածուներին կոչ է արել նախապատրաստվել նախագահական ընտրությունների երկրորդ փուլին: Մամուլի ասուլիսում այս մասին հայտարարել է ԿԸՀ նախագահի տեղակալ Եվգենի Ռադչենկոն:

«Ակնհայտ է , որ երկրորդ փուլ կլինի: Այդ պատճառով ԿԸՀ առաջ շատ հավակոնտ խնդիր է դրված՝ վերջնական արդյունքների ամփոփման համար սեղմ ժամանակահատվածի եւ ԿԸՀ կողմից ապրիլի 21-ին կրկնակի քվեարկության նշանակման մասին արձանագրության ստորագրման պատճառով», - ասել է ԿԸՀ նախագահ Տատյանա Սլիպաչուկը:

Ըստ նրա, թեկնածուներից ոչ մեկն այլեւս  չի կարողանա ստանալ ձայների մեծամասնությունը:

Ռադչենկոն, իր հերթին, շեշտել է, որ ընտրական գործընթացի սուբյեկտներն արդեն  պետք է սկսեն նախապատրաստվել կրկնակի քվեարկությանը, քանի որ շրջանային եւ տեղամասային ընտրական հանձնաժողովները նորից կձեւավորվեն: «Երկու թեկնածուներն էլ հանձնաժողովներում հավասար մասնակցության իրավունք կունենան», - ասել է ԿԸՀ փոխնախագահը:

Առանց խախտումների

Ուկրաինայի նախագահի ընտրությունների քվեարկության օրը եւ դրան հաջորդող գիշերն անցել են առանց համակարգային խախատումների:

Ինչպես նշեց հանձնաժողովի քարտուղար Նատալյա Բերնացայան, ԿԸՀ ստացված բոլոր բողոքները չեն վերաբերում լուրջ խախտումներին, եւ կքննարկվեն ընդհանուր ժամկետներում:

Վերջին տվյալները

Ուկրաինայի նախագահական ընտրությունների երկրորդ փուլ են անցնում Զելենսկին՝ ընտրողների ձայների 30,18 տոկոսով եւ պետության գործող ղեկավար Պյոտր Պորոշենկոն՝ 16,65 տոկոս ձայներով: Այս մասին են վկայում ԿԸՀ տվյալները՝ արձանագրությունների 30,52 տոկոսի մշակումից հետո: Երրորդ տեղում է Յուլյա Տիմոշենկոն՝ ստացած 13,22 տոկոս ձայներով, հաղորդում է «112 Ուկրաինան»:

Ուկրաինայի նախագահի թեկնածուների առաջին տասնյակը.

Վլադիմիր Զելենսկի – 30,18 տոկոս

Պյոտր Պորոշենկո – 16,65 տոկոս

Յուլյա Տիմոշենկո – 13,22 տոկոս

Յուրի Բոյկո – 11,43 տոկոս

Անատոլի Գրիցենկո – 7,04 տոկոս

Իգոր Սմեշկո – 5,95 տոկոս

Օլեգ Լյաշկո – 5,16 տոկոս

Ալեքսանդր Վիլկուլ – 4,19 տոկոս

Ռուսլան Կոշուլինսկի – 1,65 տոկոս

Յուրի Տիմոշենկո – 0,61 տոկոս:

Զելենսկին առաջին տեղում է Ուկրաինայի մարզերի մեծ մասում, Պյոտր Պորոշենկոն նրանից առաջ է անցնում միայն Լվովի, Իվանո-Ֆրանկովսկի եւ Տերնոպոլի մարզերում, Յուրի Բոյկոն առաջինն է Դոնեցկի եւ Լուգանսկի մարզերում:

Ընտրողների մասնակցությունը կազմել է 63,52 տոկոս:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Rai1. Զելենսկին հաստատել է, որ մտածում է Զալուժնիին փոխարինելու մասին
Ուկրաինայի նախագահ Վլադիմիր Զելենսկին հաստատել է, որ «մտածում է» Ուկրաինայի զինված ուժերի գլխավոր...
«Սա փակուղի չէ». Զելենսկին այն մասին, թե ինչ է կատարվում ճակատում
Մենք խնայում ենք մեր զինվորներին...
Զելենսկին ազատել է Միավորված ուժերի հրամանատարին
Գեներալ-մայոր Մոսկալյովն ազատվել է Միավորված ուժերի հրամանատարի պաշտոնից...
Թուրքիան եւ ՄԱԿ-ը Արեւմուտքից հացահատիկի գործարքի երաշխիքներ են սպասում. բանակցություններին ծանոթ աղբյուր
«Հացահատիկի գործարքի» ժամկետն ավարտվում է մարտի 18-ին...
Ուկրաինայի գլխավոր դատախազի տեղակալն Իսպանիայում հանգստանալու պատճառով հեռացվել է աշխատանքից
Ուկրաինայի գլխավոր դատախազի տեղակալին հեռացրել են աշխատանքից...
Անթռիչք գոտի Ուկրաինայում. հիմար գաղափարը վերադառնում է. 19fortyfive
Զելենսկին ՆԱՏՕ-ին կոչ է արել անթռիչք գոտի մտցնել Ուկրաինայում...
Ամենաշատ