Վլադիմիր Ալեքսանդրի Զելենսկին ծնվել է 1978 թվականի հունվարի 25-ին Ուկրաինական (այժմ Ուկրաինա) ԽՍՀ Դնեպրոպետրովսկի մարզի Կրիվոյ Ռոգ քաղաքում: Հայրը՝ Ալեքսանդր Սեմյոնի Զելենսկին (ծնվ. 1947թ.), տեխնիկական գիտությունների դոկտոր, պրոֆեսոր է, Կրիվոյ Ռոգի Վադիմ Գետմանի անվան տնտեսական ինստիտուտում ինֆորմատիկայի եւ կիրառական ծրագրային ապահովման ամբիոնի վարիչ: Մայրը՝ Ռիմա Վլադիմիրովնան (ծնվ. 1950թ.), ինժեներ է աշխատել, ներկայումս թոշակառու է: Մանկության տարիներին Վլադիմիր Զելենսկին 4 տարի ծնողների հետ ապրել է Մոնղոլիայում, որտեղ աշխատել է նրա հայրը:
Այնուհետ սովորել է Կրիվոյ Ռոգի անգլերենի խորացված ուսուցմամբ № 95 գիմնազիայում, որն ավարտել է 1995 թվականին: Դպրոցական անսամբլում կիթառ է նվագել:
Ներկայացնենք մի քանի հետաքրքիր փաստ Ուկրաինայի նոր նախագահ Վլադիմիր Զելենսկու կենսագրությունից:
Մանկության տարիներին Զելենսկին ընտանիքի հետ տեղափոխվել է ապրելու Մոնղոլիա, որտեղ նրա հայրը լեռնահարստացման կոմբինատի շինարարությամբ է զբաղվել: Քաղաքական գործչի խոսքով՝ այժմ նրա հոր պատվին քաղաքներից մեկում հուշարձան է կանգնեցված:
Մոնղոլիայում ապրելու 4 տարիներին Զելենսկին մի քանի արտահայտություն է սովորել, մի քանի բան հիշում է նաեւ այսօր:
Ուկրաինա վերադառնալուց հետո Զելենսկին սովորել է անգելերնի խորացված ուսուցմամբ դասարանում եւ երազել ընդունվել «ՄԳԻՄՕ»: Ավելի ուշ նա որոշել է ընդունվել ուկրաինական բուհ, սովորել է միջազգային իրավունք եւ տնտեսագիտություն: Հնարավորություն կար ուսումը Իսրայելում շարունակելու, բայց հայրը թույլ չտվեց:
Դեռահասության տարիներին նրա նախասիրությունները շատ էին. նվագում էր դաշնամուր եւ կիթառ, զբաղվում պարահանդեսային պարերով, հունահռոմեական ըմբշամարտով, ծանր աթլետիկայով, վոլեյբոլով: Զելենսկին սիրում էր նաեւ նամականիշներ հավաքել:
Բուհն ավարտելուց հետո Զելենսկին մասնագիտությամբ մեկ օր էլ չի աշխատել: Հումորիստական ժանրը նրան գրավել էր դեռ ուսանողական նստարանից:
Վլադիմիրը եւ Ելենան երկու երեխաներ ունեն՝ Ալեքսանդր եւ Կիրիլ:
Ամուսիններն աշխատում են միասին: Զելենսկին ինչպես հայտնի է «Կվարտալ 95» ստուդիայի ղեկավարն է: Դա ոչ միայն հումորիստական շոու է, այլեւ զբաղվում է ֆիլմերի եւ սերիլաների արտադրությամբ:
Օրինակ Զելենսկին «Խնամախոս»-ի եւ «Ծառայողական սիրավեպի» նոր տարբերակի սցենարիստն է:
2017 թվականի հայտարարագրի համաձայն՝ Զելենսկուն է պատկանում 353.5 քառ. մ մակերեսով բնակելի տուն, 1.2 հազար քառ. մ մակերեսով հողակտոր, մի քանի բնակարան եւ երկու կայանատեղի:
Նա ունի նաեւ Land Rover Range Rover մեքենա: Բացի այդ հայտարարագրում նշված են Breguet, Tag Heuer, Rolex եւ Bovet ապրանքանիշների ձեռքի ժամացույցներ: