News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.09
Տեսնել լրահոսը

Հայաստանի վարչապետ Նիկոլ Փաշինյանը հայտարարել է, որ տեղյակ է եղել Արցախի նախագահ Բակո Սահակյանի՝ Հայաստանի երկրորդ նախագահ Ռոբերտ Քոչարյանին կալանքից ազատելու համար դատարանին դիմելու միջորդության մասին,  սակայն նա մտադիր չէ միջամտել այդ հարցին: Ուրբաթ ռուսաստանյան լրագրողների հետ հանդիպման ժամանակ այս մասին ասել է Փաշինյանը:

Հարցին՝ արդյոք Ռոբերտ Քոչարյանի գործի առնչությամբ  տարբեր տեսակետների առկայությունը չի ազդի Երեւանի եւ Ստեփանակերտի հարաբերությունների վրա, պարոն Փաշինյանը զգուշորեն է պատասխանել, գրում է «Ъ»-ն:

Քաղաքական գործչի խոսքով՝ նա կարող է բարոյական տեսանկյունից հասկանալ պարոն Սահակյանին, սակայն քաղաքական տեսանկյունից որոշ հարցեր են առաջանում:

«Օրինակ, եթե Լեռնային Ղարաբաղի վերաբերյալ դատարանում որեւէ գործ լինի, ինչպես նրանք կվերաբերվեին, եթե ես էլ նույն կերպ փորձեի որեւէ մեկի համար երաշխավորել: Եվ պետք է հստակեցնել՝ որ հարցում են նրանք աջակցում Ռոբերտ Քոչարյանին»,— ասել է վարչապետը:

Նա պարզաբանել է, որ իմացել է Բակո Սահակյանի գալու մասին եւ անձնական զրույցում իր կարծիքը հայտնել նրա արարքի մասին: Սակայն, թե ինչպիսին է այն եղել, պարոն Փաշինյանը հրաժարվել է բացահայտել:

Նիկոլ Փաշինյանը նաեւ հավելել է, որ Ռոբերտ Քոչարյանի նկատմամբ դատաքննությունը հայ հասարակությունում լայն աջակցություն ունի, իսկ ոմանք մեղադրյալի աթոռին կցանկանային տեսնել նաեւ եւս մեկ նախագահի՝ Սերժ Սարգսյանին:

 «Ես անկեղծ կասեմ. մարդիկ ինձ ուղղակիորեն քննադատում են նրա համար, որ Սերժ Սարգսյանը մինչեւ հիմա ազատության մեջ է: Պարզապես մարդիկ չէ, այլ ԶԼՄ-ներ, հասարակական կազմակերպություններ»: Սակայն պարոն Փաշինյանը հիշեցրել է, որ նման հարցերը որոշում են քննչական մարմինները եւ ոչ քաղաքական նկատառումներով: Հակառակ դեպքում, ըստ վարչապետի, «Սերժ Սարգսյանը վաղուց բանտում կլիներ»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՄԻԵԴ-ը Մեծ պալատ է ձեւավորել՝ Ռոբերտ Քոչարյանի գործով ՍԴ-ին խորհրդատվական կարծիք տալու համար
Մեծ պալատի նախագահը հրավիրել է Սահմանադրական դատարանի դատավարության կողմերին, մասնավորապես Ազգային ժողովին...
Դա անհեթեթություն է․ Լևոն Քոչարյանը՝ վիրահատությամբ դատը ձգձգելու շահարկումների մասին
Այսինքն՝ կան մարդիկ, ովքեր կարծում են, որ դատը ընդամենը մի քանի օրով հետաձգելու համար մարդ պատրաստ է վիրահատվե՞լ․․․․
Ի պաշտպանություն Ռոբերտ Քոչարյանի hայտարարությունը համալրվել է բազմաթիվ աջակիցներով
Հայաստանից, Արցախից եւ Սփյուռքից սոցիալական ցանցերի էջերում հայտարարությանը միացել է շուրջ 2300 մարդ…
Երկրորդ նախագահը պետք է ազատ արձակվի․ հայտարարություն
Սրընթաց ձևավորվում է մի մթնոլորը, երբ բոլորը հավասարաչափ դառնում են անպաշտպան՝ անօրինականությունների առաջ…
Ռոբերտ Քոչարյանը վիրահատությունից հետո իրեն լավ է զգում. Վիկտոր Սողոմոնյան
Ռոբերտ Քոչարյանի վիրահատությունը հաջող է անցել...
Ռոբերտ Քոչարյանին վիրահատել են «Իզմիրլյան» բժշկական կենտրոնում. Այն հաջող է անցել
Ավելի վաղ NEWS.am-ը հայտնել էր, որ երեկ՝ հոկտեմբերի 8-ի առավոտյան, Քոչարյանին հետազոտության նպատակով առավոտյան դարձյալ տեղափոխել էին «Իզմիրլյան» բժշկական կենտրոն...