News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը

ԱՄՆ նախագահ Դոնալդ Թրամփը թուրքական կողմին նախազգուշացրել է Սիրիայի հյուսիս-արեւելքում գործողության  ընթացքում ամերիկացի զինծառայողներին կամ Վաշինգտոնի  դաշնակիցներին հարվածելու անթույլատրելիության մասին: Նա այս մասին հայտարարել է լրագրողների հարցերին պատասխանելիս:

«Մենք Սիրիայում ենք գտնվում երկար տարիներ: Ենթադրվում էր, որ դա կլինի կարճաժամկետ խնդիր»,- ասել է նա: Թրամփի խոսքով՝ «ոչ մեծ հատվածում», որտեղ Թուրքիան գործողություն է սկսել, 50 ամերիկացի զինծառայողներ կային: «Ես չեմ ուզում, որ նրանք վիրավորվեն կամ սպանվեն, որ նրանց հետ ինչ-որ բան պատահի: Ես Էրդողանին ասացի. «Վնաս չպատճառեք մեր մարդկանցից որեւէ մեկին կամ մեծ խնդիրների կբախվեք»:

ԱՄՆ նախագահը նշել է, որ Անկարայի վրա բավականաչափ ճնշում է գործադրվում: «Թուրքիան պայքարում է Քուրդիստանի Աշխատավորական կուսակցության դեմ, նրանք միմյանց ատում են,- շարունակել է նա: - Բայց ես խոսել եմ Թուրքիայի հետ, որ եթե անեն մարդասիրության շրջանակից դուրս որեւիցե բան, ապա կբախվեն տնտեսության քայքայման սպառանալիքներին»:

ԱՄՆ նախագահը վերստին հաստատել է, որ ամերիկյան ուժերը ջախջախել են ԻՊ ահաբեկչական խմբավորմանը: «Եկեք թույլ տանք մյուս երկրներին եւս  ավարտել նրանց հետ գործը: Հիմա կա 60-70 հազար մարդ՝ ընտանիքներ, սպանված ահաբեկիչների կանայք, ես եվրոպական երկրներին ասում եմ, որ նրանք տանեն իրենց քաղաքացիներին,- ուշադրություն է հրավիրել Թրամփը: - Բայց նրանք չեն ցանկանում»:

«Ես Էրդողանին ասել եմ, որ դա այլեւս իր պատասխանատվությունն է: Ռուսաստանի, Թուրքիայի, Իրանի, Իրաքի, Սիրիայի եւ բոլոր հարեւան երկրների պատասխանատվությունը,- նշել է նա: - Այս երկրները ԻՊ-ին ատում են նույնքան, որքան մենք»:

«Մենք կհետեւենք Թուրքիայի գործողություններին: Հույս ունենք, որ Թուրքիան, ինչպես եւ մյուս երկրները, ներառյալ ԵՄ-ն, կանեն այն, ինչն անհրաժեշտ է անել այդ գերեվարված ԻՊ գրոհայինների եւ նրանց ընտանիքների հետ»,- հավելել է ԱՄՆ նախագահը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ը չպետք է տրվի Թուրքիայի շանտաժներին. Իտալիայի վարչապետ
«ԵՄ-ը չպետք է տրվի այդ շանտաժին: Սիրիացի փախստականներին ընդունելու հարցով Թուրքիայի ջանքերը չպետք է շանտաժի գործիք դառնան ...
Պակիստանի վարչապետն իր աջակցությունն է հայտնել Սիրիայում Թուրքիայի ներխուժման հարցում
Հայտարարության մեջ նշվում է, որ վարչապետ Իմրան Հանը զանգահարել է Թուրքիայի նախագահ Ռեջեփ Թայիփ Էրդողանին «աջակցություն եւ սոլիդարություն» հայտնելու համար…
Էրդողանի սպառնալիքները բացարձակ անթույլատրելի են. Դոնալդ Տուսկ
Տուսկը դատապարտել է Սիրիայի հյուսիս-արեւելք Թուրքիայի ներխուժումը...
Թուրքիայի Նուսայբին քաղաքում անատոլիական գործակալության 2 լրագրող է վիրավորվել
Ավելի վաղ Թուրքիայի ՊՆ-ն հայտնել է Սիրիայում մարտական գործողությունների ընթացքում առաջին թուրք զինծառայողի մահվան մասին...
70 հազարից ավելի մարդիկ իրենց տները լքել են Սիրիայի հյուսիսում ռազմական գործողությունների պատճառով
Բռնության ծավալման մեկնարկից սկսած՝ գրանցվել է բնակչության զանգվածային տեղահանություն…
Միջազգային կառույցներին պետք է ցույց տանք, որ հայերը Սիրիայի հյուսիսում էթնիկ զտման վտանգի տակ են. փորձագետ
Ռազմական գործողությունները դատապարտող պետություններից մենք պետք է գոնե մեկ քայլ առաջ լինենք...