Շաբաթ Բոլիվիայի բարձրագույն ընտրական դատարանը հայտարարել է մայիսի 3-ին նշանակված նախագահական ընտրություններն անորոշ ժամկետով հետաձգելու մասին կորոնավիրուսի տարածման պատճառով, հաղորդում է ՌԻԱ Նովոստի-ն:
«Բարձրագույն ընտրական դատարանը որոշում է կայացրել որպես բացառություն ընդհատել ընտրությունների նախապատրաստումը 14 օրով՝ սկսած մարտի 22-ից»,-ասվում է հայտարարության մեջ:
Ավելի վաղ Բոլիվիայում հայտարարել էին ամբողջ երկրում երկու շաբաթ տեւողությամբ կարանտին սահմանելու մասին կորոնավիրուսով պայմանավորված իրավիճակի կապակցությամբ: Ներկայում Բոլիվիայում հաստատված է կորոնավիրուսով վարակման 19 դեպք, կասկածվում է եւս 168 մարդ:
Երբ Կառլոս Մեսայի գլխավորությամբ Բոլիվիայի ընդդիմությունը հայտարարել էր 2019 թվականի հոկտեմբերի 20-ի ընտրություններում զանգվածային խախտումների մասին, նախկին նախագահ Էվո Մորալեսը զինվորականների ճնշման ներքո հեռացել էր նախագահի պաշտոնից եւ լքել երկիրը: Այնուհետեւ հրաժարական էին տվել Բոլիվիայի ղեկավարության բոլոր բարձր պաշտոնյաները, իշխանությունն անցել էր սենատի ընդդիմադիր փոխխոսնակ Ժանին Անյեսի ձեռքը: Իշխանությունները հայտարարել էին նոր նախագահական ընտրություններ անցկացնելու մասին: Մորալեսին արգելված է առաջադրվել որպես թեկնածու,: Այժմ նա գտնվում է Արգենտինայում, որտեղից ղեկավարում է իր շարժման նախագահական արշավը:
