Կառավարությունը հիմա դիտարկում է արտակարգ դրության պայմաններում խոսքի ազատության սահմանափակման այլ շրջանակ լինի կամ առհասարակ չլինի: Այդ մասին այսօր` մարտի 23-ին, Ազգային Ժողովում հայտնեց Արդարադատության նախարար Ռուստամ Բադասյանը:
«Ֆիզիկական և իրավաբանական անձանց մասով տեղեկություն հրապարակելու զանցանքի համար սանկցիան հանվել է»,- ասաց նա:
Նախարարը հայտնեց, որ իրենք առաջարկում են նաև ԶԼՄ հասկացությունը փոխարինել` լրատվական գործունեություն իրականացնող. «Դա ոչ միայն այս պարագայում այլ առհասարակ ապագայի համար, որովհետև ԶԼՄ-ն շատ նեղ շրջանակ է ընդգրկում. օրինակ` ինտերնետային կայքերը չեն ընկնում այդ հասկացության տակ: Եվ սահմանում ենք, եթե մեկ անգամ չի կատարվում և շարունակում է խախտման կատարումը երկրորդ անգամ արդեն ենթարկվում է վարչական պատասխանատվության»:
Հիշեցնենք, որ արտակարգ դրության մասին որոշման հրապարակումից հետո, պարետատան կողմից լրատվամիջոցների դեմ ձեռնարկված քայլերը քննադատության էր արժանացել:
Հավելենք, որ Ռուստամ Բադասյանը չբացառեց, որ ընդհանրապես կարող են սահմանափակումները վերացվեն։ Առայժմ Կառավարույթունում քննարկում է ընթանում եւ որոշումը շուտով կհրապարկվի։