Ոստիկաններն ամեն օր ինքնամեկուսացման խախտման 2-4 դեպք են գրանցում: Այս մասին ճեպազրույցի ժամանակ հայտարարել է ՀՀ փոխոստիկանապետ Հայկ Մհրյանը:
Փոխոստիկանապետը նշել է, որ ինքնամեկուսացման ռեժիմին հետեւելու մոնիտորինգի գործառույթը հանձնարարվել է ոստիկաններին: Ցուցակները ներկայացվում են առողջապահության նախարարության կողմից եւ ամեն օր թարմացվում են: Մոնիտորինգը կատարվում է հեռախոսով, յուրաքանչյուր չորս ժամը մեկ անգամ: Օրական գրանցվում է 2-4 խախտում, բայց բոլոր խնդիրները լուծվում են համոզելով, եւ քաղաքացիներն արագորեն կատարում են պահանջը: Միեւնույն ժամանակ, փոխոստիկանապետը շեշտել է ոստիկանության պատրաստակամությունը կատարել այսօր ընդունված օրենսդրական փոփոխությունների պահանջները:
Խոսելով տրանսպորտում ստուգումների մասին` Մհերյանը նշել է, որ, անկախ կորոնավիրուսի հետ կապված իրավիճակից, ոստիկանությունը վերահսկում է, որպեսզի տրանսպորտում ուղեւորների թիվը չգերազանցի տեղերի քանակը: Օրինակ` մարտի 20-ին կազմվել է խախտումների ավելի քան 70 զեկույց:
Պատասխանելով հարցին, թե ինչու են որոշ տոնավաճառներ եւ առևտրի կենտրոններ շարունակում աշխատել` չնայած արգելքին, փոխոստիկանապետը կոնկրետ պատասխան չի տվել, թե ինչու հրամանը չի կատարվել: Մհրյանը խոստացել է նաեւ ստուգել տեղեկությունները շարունակվող փողոցային առեւտրի մասին եւ քաղաքապետարանի հետ միասին միջոցներ ձեռնարկել: Աշխատանքի դադարեցման մասին նախազգուշացումներ է ստացել, ընդհանուր առմամբ, 370 տնտեսվարող սուբյեկտ:
