News
Լրահոս
News
Երեքշաբթի
Ապրիլ 07
USD
501.55
EUR
542.38
RUB
6.58
ME-USD
0.04
Տեսնել լրահոսը


Բազմաթիվ ահազանգեր ենք ստանում, որ կոմունալ վարձավճարների ուշացումների հետ կապված անջատումներ են տեղի ունենում, հիմնականում գազի հետ կապված են անջատումները: Այս մասին, այսօր՝ մարտի 25-ին, ԱԺ-ում կառավարության հետ հարցուպատասխանի ժամանակ նշեց «Լուսավոր Հայաստան» խմբակցության ղեկավար Էդմոն Մարուքյանը:

Նրա խոսքով, թեեւ փետրվարին ծախսածի համար պետք է այդ մարդիկ վճարեն, բայց հիմա մարդիկ օրավարձով են աշխատում եւ հիմա տանը նստած են: «Կառավարությունը թիրախային աջակցելո՞ւ է այս մարդկանց, որպեսզի նրանք կարողանան այս խնդիրները լուծել»,- վարչապետին հարց ուղղեց Մարուքյանը:

Ի պատասխան Նիկոլ Փաշինյանն ասաց. «Պարզ է, որ այս ժամանակարշջանում սոցիալական, տնտեսական աջակցության թեման ամենահրատապներից է: բայց ես ուզում եմ ուրվագծել Կառավարության մոտեցումը, որ այդ աջակցությունը պետք  է լինի հասցեական: Ես գոնեանձամբ լրագրողական գործունեության արդյունքում ցույց եմ տվել, որ նման էմոցիոնալ իրավիճակներում աջակցությունն ուղղորդվում է եւ դրանից ինչպես են  օգտվում ոչ թե կարիքավորները, այլ նրանք, ովքեր դրա կարիքը չունեն»,-ասաց նա:

Վարչապետի խոսքով, դրա համար գործողություններն ուղղված են նրան, որ աջակցությունը ճիշտ թիրախավորված լինի եւ այն հասնի ճիշտ հասցեատերերին: «Այս ճգնաժամն անցնելու է, եւ մենք հանրությանը պետք  է հաշվետվություն տանք, թե այդ միջոցներն ինչպես օգտագործեցինք:

Այսօր կա կոնտեքստ, որ եկեք կոմունալ վճարները հետաձգենք: Հարց՝ ինչո՞ւ պետական աշխատողների կոմունալ վճարները պետք է հետաձգվեն, նրանք աշխատավարձ են ստանում: Հարց՝ ապահովված խավի կոմունալ վճարները ինչո՞ւ պետք է հետաձգվեն: Կներեք, նույնիսկ սոցիալապես անապահով այն խավերի համար, որոնց կյանքում ոչինչ չի փոխվել, մարդը նպաստառու է ինչպես փետրվարին, այնպես էլ հիմա իր նպաստը նույն ձեւով ստանում է:

Ինչ վերաբերում է կոնկրետ հարցին, պարետը այս հարցում մշտական հաղորդակցության մեջ է եղել եւ ձեռք է բերվել պայմանավորվածություն, որ անջատումներ չեն լինի, այդ թվում «Գազպրոմ Արմենիա» ընկերության հետ է ձեռք բերվել պայմանավորվածություն»,-ասաց Փաշինյանը:

Նա նկատեց, որ այդ մասին չէին խոսում, որ որովհետեւ չէին ուզում օգտագործվի որպես կոմունալ վճարները չվճարելու ազդանշան: «Բայց իմ կոչը եւ խնդրանքն է, որ նրանք, ովքեր ունեն այդ հնարավորությունը, այդ վճարումները չուշացնեն, քանի որ այդ ընկերություններն էլ են մեր ընկերությունները, իրենց գործունեության մասին էլ պետք է մտածեն: Եթե օրինակ ինչ-որ մեկի գազը անջատել ենք, եթե այդ մարդը 2 մլն դրամի գազ է սպառել եւ չի վճարել, ճիշտ են արել, որ անջատել են: Ենթադրվում է, որ այդ մարդը, եթե այդքան գազ է սպառել,  հոգապահուստ փող ունի, թող տարի վճարի, իսկ անապահով խավից եթե անջատել են, կմիացնեն»,- ասաց նա եւ նշեց, որ չեն ցանկանում խթանեն սպեկուլյացիաները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ինչպե՞ս կփոխվի ամերիկացիների աշխարհայացքը կորոնավիրուսից հետո․ AP
Ամերիկյան փորձի կարեւորագույն գիծը կարճ հեռավորության վրա մնացած աշխարհին պահելն էր տնտեսության, տեխնոլոգիաների, մշակույթի կամ որեւէ այլ ոլորտում․․․
Ռուս երգչուհի Նադեժդա Բաբկինան կորոնավիրուսի թեստ է հանձնել․ ԶԼՄ-ներ
Ընդ որում՝ երգչուհու որդի Դանիլ Սազեդատելեւը հաստատել է մոր հոսպիտալացման, ինչպես նաեւ կորոնավիրուսի թեստը հանձնելու փաստը․․․
Ամերիկացի կենսաբանները կորոնավիրուսը «հնչունավորել» են
Ամերիկացի կենսաբանները կորոնավիրուսի սպիտակուցների տատանումները վերածել են հնչյունի…
Արժույթի միջազգային հիմնադրամը հայտարարել է Չինաստանի վերականգնման հուսադրող նախանշանների մասին
ԱՄՀ-ի առաջատար տնտեսագետները հայտարարել են, որ նոր կորոնավիրուսով պայմանավորված պանդեմիան տարել է աշխարհը դեպի անկում․․․
Մեկուսացումից դուրս է եկել 400-ից ավելի քաղաքացի
Մինչ այժմ բուժվել է 62 քաղաքացի, մահացել 8-ը…
Եվրոպայում հույս ունեն, որ կորոնավիրուսի բռնկումը կարող է դանդաղել․ CNBC
Եվրոպայում կորոնավիրուսի պանդեմիայի էպիկենտրոն Իտալիան հայտնել է COVID-19-ի հետեւանքով վերջին երկու շաբաթվա ընթացքում մահերի ամենափոքր թվի մասին․ կիրակի այդ թիվը կազմել է 525․․․
Ամենաշատ
Ֆոտոռեպորտաժներ