11-ին եւ 12-ին պանամանացիները ստիպված կլինեն մնալ տանը` նոր կորոնավիրուսի տարածումը կանխելու համար: Իշխանությունների համապատասխան որոշումը հրապարակվել է հանրապետության նախագահ Լաուրենտինո Կորտիսոյի թվիթերյան էջին:
«Երկրի սանիտարական անվտանգության ապահովման եւ պանամանացիների կյանքի եւ առողջության պահպանման համար մենք հայտարարում ենք, որ շաբաթ օրը` ապրիլի 11-ին, եւ կիրակի օրը` ապրիլի 12-ին, ոչ ոքի չի թույլատրվի փողոց դուրս գալ` տոտալ կարանտին պահպանելու համար»,- գրել է պետության ղեկավարը:
Համաձայն վերջին պաշտոնական տվյալների` Պանամայում հայտնաբերվել է կորոնավիրուսով վարակման 2.528 դեպք, մահացել է 63 մարդ, փոխանցում է ՏԱՍՍ-ը:
Մարտի 23-ից Պանամայի կառավարությունը որոշում էր կայացրել 30 օրով դադարեցնել օդային հաղորդակցությունն այլ երկրների հետ: Ապրիլի 1-ից երկրում կարանտին է հայտարարվել` վարակի տարածումը կանխելու համար: Ընդ որում, կանանց թույլատրվում է դուրս գալ տնից երկուշաբթի, չորեքշաբթի եւ ուրբաթ օրերին, իսկ տղամարդկանց` երեքշաբթի, հինգշաբթի եւ շաբաթ օրերին: Կիրակի օրերին քաղաքացիներին պարտավորեցրել են մնալ տանը:
Comunicado N°44 #ProtégetePanamá #QuédateEnCasa pic.twitter.com/SqIZaAD9El
— Ministerio de Salud de Panamá (@MINSAPma) April 9, 2020