Կորոնավիրուսային հիվանդությամբ պայմանավորված միջոցառումների վրա մինչեւ այժմ ծախսվել է 2,4 մլրդ դրամ գումար, հավաքված գումարը կազմում է 4 մլրդ 540 միլիոն դրամ։ Այս մասին այսօր՝ մայիսի 21-ին, մամուլի ասուլիսի ժամանակ ասաց Առողջապահության նախարար Արսեն Թորոսյանը։
«Մինչեւ այժմ կորոնավիրուսի հատուկ հաշվի վրա փոխանցվել է մոտավորապես 1 միլիարդ 98 միլիոն դրամ գումար, 2 մլրդ 15 միլիոն դրամ ստացվել է պետական բյուջեից, եւս 1 մլրդ 420 մլն շուտով կստացվի պետբյուջեից, ընդամենը՝ 4 մլրդ 540 միլիոն դրամ։ Փաստացի ծախսը, որ դուրս է եկել հաշվի համարից, կազմել է 2,4 մլրդ դրամ։ Սա համարում եմ շատ փոքր թիվ նման լայնածավալ միջոցառման համար։ Կատաստոֆիկ փոքր թիվ է, որովհետեւ տարբեր գնահատականներով մեր երկրին այս գործողությունների համար մինչեւ տարվա վերջ անհրաժեշտ է լինելու մոտավորապես 300 մլն դոլար»,- նշեց նախարարը։
Նախարարի խոսքով՝ 464 մլն դրամ ծախսվել է բժշկական կենտրոնների շինարարության վրա, որոնք մեկ-երկու ամսվա ընթացքում բերվել են ներկա վիճակին։ Մինչեւ օրս կատարված շինարարական աշխատանքների ընդհանուր արժեքը կազմել է 752 մլն դրամ, 464-ն արդեն վճարված է։
Բժշկական սարքերի վրա ծախսվել է կամ կծախսվի 1,6 մլրդ դրամ (նաեւ այլ աղբյուրներից՝ վարկային միջոցներ, նվիրատվություններ)։
«Մատակարարված՝ 492 մլն դրամի, սպասողական՝ 970 մլն դրամի, եւ մրցույթային փուլերում՝ 164 մլն դրամի»,- նշեց նա։
