ԵՄ-ում հույս ունեն, որ այս ամառ տուրիստական սեզոնը համաեվրոպական կլինի: Այս մասին հայտարարել է ներքին շուկայի հարցերով եվրահանձնակատար Թիերի Բրետոնը ֆրանսիական BFM-ին տված հարցազրույցում:
«Անկասկած, Եվրոպայում այս ամառ տուրիստական սեզոն կլինի: Հնարավոր է, որ լինի համաեվրոպական»,-ասել է նա:
Ավելի վաղ Հունաստանի տուրիզմի նախարար Խարիս Թեոխարիսը հայտարարել է, որ աշխարհի բոլոր երկրներից, բացառությամբ համաճարակաբանական ծանր վիճակ ունեցող պետություններից, զբոսաշրջիկներ կժամանեն Հունաստան հուլիսի 1-ից: