Լիբանանի առողջապահության նախարար Համադ Հասանը կարծում է, որ կորոնավիրուսի դեմ հաղթանակի մասին հայտարարել դեռ վաղ է, սակայն ամենավատն անցել է։
«Կարծում եմ, որ վատագույն սցենարն անցել է, սակայն միաժամանակ մենք պետք է պահպանենք զգոնությունը եւ միջոցներ ձեռնարկենք բոլոր տարածաշրջաններում»,- AFP-ին տված հարցազրույցում ասել է Համադ Հասանը։
Վեց միլիոն բնակչությամբ երկրում արձանագրվել է վարակման զարմանալիորեն ցածր թիվ։ Առողջապահության նախարարության ներկայացրած տվյալներով՝ համաճարակի սկզբից լիբանանում գրանցվել է վարակման 1233 եւ մահվան 27 դեպք։
Մի քանի շաբաթվա կարանտինից հետո կառավարությունը հայտարարել է, որ սահմանափակումները, այդ թվում՝ պարետային ժամը, այս շաբաթ կհանվեն։
Նախարարի խոսքերով՝ Լիբանանը նույնիսկ կարող է իրեն թույլ տալ իր որոշ աշխատակիցների ուղարկել այլ երկրներին օգնություն ցուցաբերելու։ «Ես մտածում եմ բժշկական ուղեւորությունների կազմակերպման մասին՝ անհրաժեշտության դեպքում որոշ երկրների օգնելու համար»,- ասել է նա։
