![](img/news/58/53/46/default.jpg)
Գերմանական Condor չարտերային ավիաընկերությունը մինչեւ 25 տոկոսով կկրճատի իր աշխատակիցների թիվը ծախսերը նվազեցնելու եւ կորոնավիրուսի համավարակով պայմանավորված ճգնաժամից հետո վերականգնվելու համար, հայտարարել է ընկերության ղեկավար Ռալֆ Թեքենթրափը Frankfurter Allgemeine Sonntagszeitung թերթին տված հարցազրույցում։
«Մյուս ավիաընկերությունների նման մենք եւս ստիպված կլինենք կրճատել մեր հաստիքները 15-25 տոկոսով։ Դա կազմում է 650-1000 աշխատատեղ»,-հայտարարել է նա։
Թեքենթրափի խոսքով՝ նա ակնկալում է, որ ավիաընկերությունների ոլորտում ճգնաժամը կտեւի մինչեւ 2024 թվականը։
Ապրիլին Գերմանիայի կառավարությունը եւ Հեսեն դաշնային հողի իշխանությունները համաձայնվել էին տրամադրել ավիաընկերություն 550 մլն եվրոյի չափով վարկ, երբ LOT լեհական ավիաընկերության սեփականատերը հրաժարվել էր կոնցեռնը գնելու գործարքից։
«Մենք կունենանք ավելի փոքր եկամուտ, ավելի մեծ ծախսեր, եւ մենք ստիպված կլինենք վճարել պետական աջակցության համար։ Կբարձրանա ավիատոմսերի միջին արժեքը»,-հավելել է նա։