News
Լրահոս
News
Երկուշաբթի
Սեպտեմբեր 21
USD
485.26
EUR
574.98
RUB
6.46
ME-USD
0.01
Տեսնել լրահոսը

Bloomberg-ի կողմից հարցված վերլուծաբանները կարծում են, որ Շվեդիայի տնտեսությունն ընդհանուր առմամբ շահել է փետրվար-մայիս ամիսներին խիստ կարանտինից հրաժարվելու կառավարության որոշումից: Այս մասին նշվում է կանխատեսման մեջ, որը հրապարակվել է մակրոտնտեսական ցուցանիշների վերաբերյալ պաշտոնական տվյալների հրապարակման նախօրեին:

Այդպես, փորձագետները կարծում են, որ մինչեւ երկրորդ եռամսյակի ավարտը Շվեդիայի ՀՆԱ-ի անկումը մոտ 7 տոկոս կկազմի, ինչն աննախադեպ ցածր ցուցանիշ կլինի սկանդինավյան այս երկրի տնտեսության համար: Այնուամենայնիվ, միեւնույն ժամանակ, վերլուծաբանները նշում են, որ անկումը շատ ավելի փոքր կլինի, քան ԱՄՆ-ում եւ ԵՄ բոլոր այլ երկրներում:

«Չի կարելի ասել, որ շվեդական տնտեսությունն ընդհանրապես չի տուժել, բայց ՀՆԱ-ի անկումն այնքան ուժեղ չի լինի, որքան եվրոգոտու երկրներում, որտեղ այդ ցուցանիշը հասել է 30 տոկոսի»,- նշել է Capital Economics-ից փորձագետ Դեւիդ Օքսլին:

Ընդ որում, անհասկանալի է, թե ինչպես Շվեդիայի` կարանտինից հրաժարվելու որոշումը կազդի դրա տնտեսության վրա երկարաժամկետ հեռանկարում: «Մեր հարեւանները (Դանիա եւ Նորվեգիա) կարանտինացված էին, սակայն հնարավոր է, որ նրանք ավելի արագ վերականգնվեն»,- ասել է Nordea-ի տնտեսագետ Թորբյորն Իսաքսոնը:

Bloomberg-ում միեւնույն ժամանակ հիշեցրել են, որ Շվեդիայի` խստագույն կարանտինից հրաժարվելը հանգեցրել է նրան, որ այս երկրում մահացության մակարդակն ամենաբարձրներից մեկն է աշխարհում (56.4 դեպք 100 հազարի հաշվով): Համեմատության համար` Դանիայում այդ ցուցանիշը հինգ անգամ ցածր է, Ֆինլանդիայում եւ Նորվեգիայում` տասն անգամ, փոխանցում է ՌԲԿ-ն:

Զոնս Հոփկինսի համալսարանի տվյալներով` համավարակի սկզբից ի վեր երկրում հայտնաբերվել է վարակման 81 012 դեպք, 5.744 մարդ մահացել է:

Շվեդիան ԵՄ միակ երկիրն է, որը հրաժարվել էր կոշտ սահմանափակումներից: Այնտեղ արգելված էին զանգվածային միջոցառումները (օրինակ` ֆուտբոլի ազգային առաջնությունը չեղարկվեց), քաղաքացիներին խորհուրդ էր տրվում սոցիալական հեռավորություն պահպանել, իսկ տարեցներին` մնալ տանը, սակայն նրանք չէին փակել ռեստորանները, սրճարանները, ֆիթնես ակումբները: Դպրոցներն ու մանկապարտեզները շարունակում էին աշխատել:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռուսաստանում մեկ օրում հայտնաբերել են կորոնավիրուսով վարակման 6 196 դեպք
Ռուսաստանում կորոնավիրուսի հետեւանքով մահվան դեպքերի թիվը մեկ օրում աճել է 71-ով՝ մեկ օր առաջվա 79-ի դիմաց․․․
Նոր Զելանդիան ավելի քան 18 միլիոն դոլար է ներդնում կորոնավիրուսի դեմ պատվաստանյութերի մշակման մեջ
Համապատասխան ներդրումային փաթեթը կուղարկվի COVAX միջազգային մեխանիզմի միջոցով...
Արցախում կորոնավիրուսի 4 նոր դեպք է հաստատվել
Առայսօր, COVID-19-ը ախտորոշվել է 367 մարդու մոտ, որից 320-ը հաղթահարել է հիվանդությունը: Փաստացի բուժում է ստանում 45, ընդհանուր մեկուսացված է 84 քաղաքացի…
Կորոնավիրուսից մահացած 6 անձանցից ամենաերիտասարդը 60-ամյա կին է
Այսպիսով` երեկ կատարվել է 1633 թեստավորում, որից հաստատվել է կորոնավիրուսային հիվանդության 121 նոր դեպք: Ունենք 29 առողջացած...
Վրաստանում վերջին օրվա ընթացքում գրանցվել է կորոնավիրուսով վարակման 193 նոր դեպք
Համավարակի սկզբից մինչ այժմ կորոնավիրուսից բուժվել է 1534 մարդ, մահացել է 20 հիվանդ...
Կորոնավիրուսով վարակման121 նոր դեպք մեկ օրում. մահացել է 6 մարդ
Ընդհանուր թեստերի թիվը կազմում է 265241, վերջին մեկ օրում` 1633 նոր թեստավորում...