Արքայազն Չարլզը «Մարշալի պլանի» կոչ է արել` բնության, մարդկանց եւ մոլորակի փրկությնա համար, հայտնում է CNBC-ն:
«Առանց սահմանների կլիմա, ճգնաժամեր կենսաբազմազանության եւ առողջության ոլորտում` այս ամենը մոլորակի ախտանիշներն են, որը դուրս է եկել իր մոլորակային սահմաններից»,- ասել է բրիտանական գահի ժառանգը:
Նրա խոսքով` առանց արագ եւ անհապաղ գործողությունների մենք աննախադեպ տեմպերով եւ մասշտաբով բաց կթողնենք վերականգնման եւ ավելի կայուն եւ ներառական ապագայի հնարավորությունների պատուհանը:
Նա կորոնավիրուսի համավարակը «տագնապալի ազդանշան է անվանել, որը մենք պարզապես չենք կարող անտեսել»` նշելով, որ «վաղուց է նկատել, որ մարդիկ, որպես կանոն, չեն գործում, մինչեւ ճգնաժամ չլինի»: «Այս (բնապահպանական) ճգնաժամը շարունակվում է արդեն շատ երկար տարիներ: Այժմ այն արագորեն վերածվում է համապարփակ աղետի, որը մթնեցնում է կորոնավիրուսի համավարակի հետեւանքները: Ես այլ ճանապարհ չեմ տեսնում, քան Մարշալի պլանի կոչ անել` բնության, մարդկանց եւ մոլորակի համար»,- ասել է:
