Ֆրանսիայի նախագահ Էմանուել Մակրոնի գործողություններն իսլամի դեմ ուղղված հարձակում են, որոնք կարող է մարդկային զոհերի հանգեցնել: Այս մասին հայտարարել է Չեչնիայի մուֆթի Սալահ-Հաջի Մեժիեւը, նրա խոսքերը հրապարակվել են հանրապետության Մուսուլմանների հոգեւոր վարչության կողմից Instagram-ում, փոխանցում է ՌԲԿ-ն:
«Մակրոն, դու համար մեկ ահաբեկիչն ես աշխարհում: Դու, վիրավորելով մեր Մարգարեին, վիրավորում ես բոլոր մարգարեներին (խաղաղություն նրանց) եւ բոլոր կրոնները, <...> մարդկության թշնամի, բոլոր մահմեդականների թշնամի, ով չունի բարոյական սկզբունքներ եւ արժեքներ»,- ասել է Մեժիեւը:
Այս կերպ մուֆթին արձագանքել է հոկտեմբերի կեսին Փարիզի մերձակայքում սպանված ուսուցիչ Սամուել Պատիի հիշատակի նվիրված ակցիաներին: Ուսուցիչը սպանվել էր 18-ամյա չեչեն Աբդուլաք Անզորովի կողմից, ով քոլեջի մոտակայքում հարձակվել էր նրա վրա եւ կտրել կոկորդը: Լրատվամիջոցների հաղորդմամբ` սպանության դրդապատճառն այն էր, որ սպանվածը դասերից մեկի ժամանակ ուսանողներին ցույց էր տվել Մուհամեդ մարգարեի ծաղրանկարները:
Ակցիաների շրջանակներում Օքսիտանիա մարզի Մոնպելյե եւ Թուլուզ քաղաքների հասարակական շենքերի վրա պրոյեկտել էին Charlie Hebdo երգիծական ամսագրի ծաղրանկարները: Ընդ որում, ինչպես գրում է Մեժիեւը, Մակրոնը «հրահանգներ է տվել Մուհամեդ մարգարեի ծաղրանկարները կախել երկրի բոլոր կառավարական շենքերի վրա»: Ըստ մուֆթիի` Ֆրանսիայի նախագահը պետք է դատապարտեր մահացած ուսուցչի գործողությունները, սակայն դրա փոխարեն Մակրոնը «նախապես տանուլ տված արշավն իսլամի դեմ»: