Համավարակը չի խանգարի Սանտա Կլաուսին նվերներ հասցնել երեխաներին սուրբծննդյան տոներին, քանի որ նա «իմունիտետ ունի կորոնավիրուսի նկատմամբ», հանգստացրել է Առողջապահության համաշխարհային կազմակերպության (ԱՀԿ) փորձագետ Մարիա վան Կերխովեն, փոխանցում է DW-ն:
«Ես հասկանում եմ անհանգստությունը Սանտայի հետ կապված, քանի որ նա արդեն ծեր է»,- ասել է նա` ճեպազրույցի ժամանակ պատասխանելով լրագրողներից մեկի հարցին: «Կարող եմ ասել, որ Սանտա Կլաուսն անձեռնմխելի է այս վիրուսի նկատմամբ»,- հավելել է վան Կերխովեն, ով երկու փոքրիկ երեխաների մայր է: «Մենք կարճ զրույց ունեցանք նրա հետ, նրա գործերը լավ են, եւ տիկին Կլաուսի մոտ նույնպես ամեն ինչ շատ լավ է: Նրանք հիմա շատ զբաղված են»,- հավաստիացրել է ԱՀԿ ներկայացուցիչը: