Պեկինը սկսել է 48 ժամում 2 մլն մարդու թեստավորման արշավը,հաղորդում է AFP-ը:
Պաշտոնյաները ծրագրում են ավարտել թեստավորումը շաբաթ օրը:
Պեկինը շտապում է թեստավորել, քանի որ Չինաստանում նկատվում է վարակման դեպքերի կտրուկ աճ մեկ տարի անց այն բանից հետո, երբ կորոնավիրուսն առաջին անգամ հայտնաբերվեց Ուհան քաղաքում 2019 թվականի վերջին:
Պաշտոնյաների խոսքով՝ դեպքերից մի քանիսը կապված են մահացու ախտածնի տարբերակի հետ, որն առաջին անգամ հայտնաբերվել է Մեծ Բրիտանիայում եւ համարվում է ավելի վարակիչ:
Չինաստանում նախօրեին հաղորդվել է վարակման 103 նոր դեպքի մասին, 6 դեպք է հայտնաբերվել Շանհայում, 3 դեպք՝ Պեկինում:
