Եվրահանձնաժողովի նախագահ Ուրսուլա ֆոն դեր Լյայենը կարծում է, որ Անկարայում այսպես կոչված «սոֆագեյթի» պատճառը սեքսիզմն է: Նա նշել է, որ իրեն «միայնակ» է զգացել եւ վիրավորել, երբ Անկարայում բարձր մակարդակով բանակցությունների ժամանակ իրեն աթոռ չեն տրամադրել նախագահ Ռեջեփ Էրդողանի եւ Եվրախորհրդի նախագահ Շառլ Միշելի կողքին:
«Ես Եվրահանձնաժողովի առաջին կին նախագահն եմ: Ես ակնկալում էի, որ ինձ կվերաբերվեն որպես Եվրահանձնաժողովի նախագահի: Սակայն երբ ես այցելեցի Թուրքիա երկու շաբաթ առաջ…չեմ կարողանում որեւէ արդարացում գտնել այն ամենի համար, ինչ տեղի ունեցավ: Ես ինձ միայնակ զգացի եւ վիրավորված եմ որպես կին եւ որպես եվրոպացի»,-ասել է նա:
