News
Լրահոս
News
Կիրակի
Սեպտեմբեր 26
Տեսնել լրահոսը

Ակտիվությունը պատվաստումների նկատմամբ անընդհատ աճում է: Այս մասին, այսօր՝ հուլիսի 29-ին, կառավարության նիստում հայտարարեց առողջապահության նախարարի պաշտոնակատար Անահիտ Ավանեսյանը:

«Մենք 163 հազար պատվաստում ենք արդեն իրականացրել: Իհարկե, այսօր կառավարության որոշամամբ ձեռք բերվող պատվաստանյութերի արագ մատակարարումը եւս կխթանի, որ մեր քաղաքացիներն ավելի ակտիվ պատվաստվեն: Դա կարեւորագույն երաշխիք է աշնանը, նոր ուսումնական տարվա սկզբին ունենալ ավելի շատ պատվաստված անձինք: Մենք նաեւ նախապատրաստում ենք  որոշակի սահմանափակումների փաթեթ, որը շուտով կներկայացնենք նաեւ կառավարության դատին:

Ինչպես տեսնում ենք բոլոր երկրները որոշակի գործիքակազմ կիրառում են՝ եւ սահմանափակումների, եւ խրախուսման, եւ փորձում են հնարավորինս ապահովել  պատվաստումների բարձր ցուցանիշներ:

Եթե նախկին շտամերի պարագայում բնակչության թիրախային ցուցանիշ վերցվում էր 65 տոկոս պատվաստումը, ներկայումս դելտա շտամի  պարագայում, քանի որ տարածելիությունը բավական բարձր է, ԱՀԿ-ն խորհուրդ է տալիս երկրներին պատվաստման ցուցանիշը բարձրացնել 75 տոկոսից ավել»,-ասաց նախարարի պաշտոնակատարը:

Նա նկատեց, որ ցավոք սրտի, հարեւան Վրաստանում համաճարակային իրավիճակը լարված է. «Մենք Հայաստանում պահպանում ենք կայուն հարաբերական վիճակ, բայց ամեն շաբաթ մի փոքր աճ նկատում ենք: մենք պետք է ամեն ինչ անենք, որ այս միտումը պահպանվի եւ թվերի կտրուկ աճ չունենանք»:

Վարչապետի պաշտոնակատար Նիկոլ Փաշինյանը եւս մտահոգիչ համարեց, որ թվերը թեեւ դանդաղ, բայց աճում են. «Մենք Վրաստանի հետ բավականին ակտիվ համագործակցության ավանդույթ ունենք պատվաստանյութերի փոխանակման առումով: Ուզում եմ շնորհակալություն հայտնել Վրաստանի կառավարությանը, որ որոշում են կայացրել 50 հազար դոզա պատվաստանյութ փոխանցել Հայաստանին: Սա ըստ էության, նվիրատվություն է, մենք էլ նվիրատվություն կանենք: Այս համագործակցությունը կարեւոր է, որովհետեւ մեր երկրների քաղաքացիների միջեւ  ակտիվ հաղորդակցություն կա»,-ասաց նա:

Ավանեսյանն էլ հավելեց, որ երեկ Լիտվայի կառավարությունը եւս որոշել է Հայաստանին 27 հազար դոզա պատվաստանյութ նվիրել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ռուսաստանում մեկ շաբաթվա ընթացքում գրանցվել է 5 682 մահվան դեպք քովիդի հետեւանքով
Նախորդ առավելագույն ցուցանիշը 5 618 մահվան դեպքն էր մեկ շաբաթում, որը գրանցվել էր օգոստոսի կեսերին...
Արցախում կորոնավիրուսային հիվանդության 2 դեպք է գրանցվել
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 12990 քաղաքացու հետազոտություն…
Հայաստանում հաստատվել է կորոնավիրուսով վարակվելու 925 նոր դեպք. մահացել է 13 քաղաքացի
Կորոնավիրուսային հիվանդությամբ այս պահին փաստացի բուժում է ստանում 12 352 պացիենտ…
Հայտնի է կորոնավիրուսային վարակի ընթացքը կանխատեսելու միջոց
Մեր ուսումնասիրությունը զգալի փոփոխություն հայտնաբերեց COVID-19-ով հիվանդների մոտ բոլոր գրանուլոցիտների ենթատեսակների բնութագրերում...
The Lancet ամսագիրը ցրել է կորոնավիրուսի ծագումն ուսումնասիրող գիտնականների խումբը
Ուհանի վիրուսաբանության ինստիտուտի հետ համագործակցության պատճառով The Lancet ամսագիրը ցրել է գիտնականների խումբը...
Արդյոք կարող է գործատուն աշխատողին չթույլատրել աշխատանքի հոկտեմբերի 1-ից հետո
Եթե հոկտեմբերի 1-ին գործատուն կպահանջի ՊՇՌ սերտիֆիկատ, կարող եք պնդել, որ դուք ունեք դեռևս 14 օր ժամանակ, առաջին…