Այն ուղեւորները, ում հեռախոսները անսարք են, այլ երկիր ժամանելուն պես կկարողանան անհապաղ կապվել այն լաբորատորիայի հետ, որտեղ նրանք ավելի վաղ COVID-ի թեստ են հանձնել, եւ ստանալ պատասխան: Այս մասին հոկտեմբերի 19-ին Մոսկվա-Բիշքեկ-Երեւան-Մինսկ-Նուրսուլթան տեսակամրջի ժամանակ հայտարարել է Եվրասիական զարգացման բանկի խորհրդի փոխնախագահ Տիգրան Սարգսյանը՝ ներկայացնելով «Ճանապարհորդում եմ առանց COVID-19-ի» հավելվածի արդյունքները եւ ձեռքբերումները:
Եվրասիական զարգացման բանկի նախագահի տեղակալի խոսքով՝ նման իրավիճակները կարգավորվում են այն երկրների ազգային օրենքներով, ուր ժամանում է ուղեւորը:
«Եթե հեռախոսը անսարք է, եւ ուղեւորը համոզված է, որ QR կոդի հետ կապված խնդիրներ չունի, ամենապարզ ձեւը կապվելն է այն լաբորատորիայի հետ, որտեղ նա նախկինում հանձնել է թեստը, եւ խնդրել, որ QR կոդը ուղարկեն նոր հեռախոսին: Լաբորատորիան կկարողանա արագ արձագանքել խնդրանքին, եթե միայն տրամադրվեն անձնագրի տվյալները: Այն դեպքում, եթե ուղեւորի ձեռքին միայն QR կոդի տպագիր տարբերակն է, վերահսկիչ մարմնին կմնա միայն համոզվել դրա իսկության մեջ»,- պարզաբանել է Սարգսյանը: