Կորեայի Հանրապետությունը նոյեմբերի 1-ից կմտնի սովորական առօրյա կյանքի աստիճանական վերադարձի առաջին փուլը: Այս մասին ուրբաթ օրը հայտարարել է վարչապետ Կիմ Բու Գեոմը՝ ելույթ ունենալով Ուլսան քաղաքում համաճարակի դեմ պայքարին նվիրված հանդիպմանը, հայտնում է ՏԱՍՍ-ը։

«Առաջին փուլը նախատեսում է կարանտինային միջոցառումների մեղմացում եւ մասնավոր հանդիպումների մասնակիցների թույլատրելի քանակի ավելացում»,-ասել է կառավարության ղեկավարը։ Նրա խոսքով` նոյեմբերի 1-ից մայրաքաղաքում նման հանդիպումներին կարող են մասնակցել մինչեւ 10 մարդ, մինչդեռ նրանց մեծ մասի պարտադիր պատվաստման պահանջները հանված են։

Կթույլատրվեն մասնավոր հանդիպումները մինչեւ 12 մարդու մասնակցությամբ։ Մարզասրահներ, բարեր, գիշերային ակումբներ եւ այլ ժամանցի վայրեր մուտք գործելը հնարավոր կլինի միայն պատվաստման վկայականի կամ կորոնավիրուսի թեստի բացասական արդյունքի ներկայացմամբ։ Ենթադրվում է, որ առաջին փուլը կգործի մինչեւ նոյեմբերի 28-ը, որից հետո կառավարությունը կորոշի դրա երկարաձգումը կամ նորմալացման հաջորդ փուլին անցնելը։

Կորեայի Հիվանդությունների վերահսկման եւ կանխարգելման տնօրինությունը հայտնել է, որ հոկտեմբերի 28-ի օրը երկրում հայտնաբերվել է կորոնավիրուսիով վարակման 2124 նոր դեպք։ Երկու օր անընդմեջ գրանցվում է երկու հազարից ավելի վարակակիր։ Պատվաստանյութերի մեկ չափաբաժնով պատվաստումների սկզբից մինչ օրս պատվաստվել է երկրի բնակչության 79,2%-ը, ամբողջությամբ պատվաստվել է բնակչության 72,5%-ը։