Բաքվի ծանր հանցագործությունների դատարանում ավարտվել է Ժողովրդական ճակատ կուսակցության ակտիվիստ Ագիլ Հումբատովի գործով դատավարությունը։ Ըստ haqqin.az-ի՝ հրապարակվել է դատավճիռը, ըստ որի Ա.Գումբատովը 10 տարվա ազատազրկման է ենթարկվելու։
Դատապարտյալը, սակայն, հերքել է մեղադրանքը՝ նշելով, որ իր նկատմամբ սադրանք է կազմակերպվել եւ ինքը ոչ մեկի վրա չի հարձակվել։ Ընդդիմադիրը քրեական գործը վրեժ է անվանել Ադրբեջանի ղեկավարության քննադատելու համար։
Գումբատովը կալանավորվել էր այս տարվա օգոստոսի 11-ին եւ մեղադրվել ՔՕ 126.2.4 հոդվածով (խուլիգանական դրդումներով վտանգավոր եղանակով ծանր մարմնական վնասվածքի պատճառում), որը 6-ից 11 տարի ազատազրկում է նախատեսում: