Ես չեմ ճանաչում դատախազությունը եւ վրացական արդարադատությունը, ես այստեղ չեմ նախօրոք գրված կատակերգության մաս դառնալու համար»։ Այս մասին այսօր դատարանում հայտարարել է Վրաստանի նախկին նախագահ Միխեիլ Սաակաշվիլին, փոխանցում է Վրաստանի Հանրային հեռուստատեսությունը։
Դատավորները դիմել են Սաակաշվիլիին եւ վստահեցրել, որ նա ջուր խմելու հնարավորություն կստանա:
«Մենք հոգ ենք տանում ձեր առողջության մասին»,- ասել են դատավորները, որից հետո Սաակաշվիլին դիմել է նրանց. «Շնորհակալություն, ես գնահատում եմ ձեր բարությունը»:
Մինչդեռ նիստը սկսվեց նրանից, որ փաստաբաններից մեկը բջջային հեռախոսով միացրեց Վրաստանի օրհներգի ձայնագրությունը, որին հաջորդեց դատավորների դիտողությունը։
«Արգելո՞ւմ եք օրհներգը: Վրաստանի օրհներգի ներքո ես, ով ստեղծելէ այդ օրհներգը, հիմա չեմ ուզում վիճել»,- ասել է Միխեիլ Սաակաշվիլին:
Փաստաբան Բեքա Բասիլայան դիմել էր դատավորներին միջնորդությամբ, որպեսզի բոլոր հեռուստաալիքներն իրավունք ունենան լուսաբանել դատավարությունը։
Դատավոր Նինո Էլիշվիլին խնդրել էր փաստաբաններին դադարեցնել դատավարության հեռարձակումը սոցցանցում։
Միխեիլ Սաակաշվիլիի կողմնակիցները Թբիլիսիի քաղաքային դատարանի շենքի մոտ ցույց են անցկացնում, հարյուրավոր ոստիկաններ պահպանում են հասարակական կարգը։
