Օսլոյում շուրջ 120 մարդ է վարակվել կորոնավիրուսով նախամանորյա կորպորատիվ երեկույթի ժամանակ, որն անցկացվել է Օսլոյի կենտրոնում: Այդ մասին կիրակի հայտնել է NRK հեռուստաընկերությունը:
Ավելի քան 70 վարակակիր, որոնք նոյեմբերի 26-ին գտնվել են Աքեր Բրյուգե շրջանի ռեստորաններից մեկում, մասնակցել են Scatec ընկերության երեկույթին: Բացի նրանցից, վարակվել է եւս շուրջ 40-50 մարդ, որոնք կորպորատիվի հյուրերի հետ որեւէ առնչություն չեն ունեցել, սակայն ներկա են գտնվել ռեստորանում նույն ժամանակահատվածում:
Նմուշառումների անալիզի համաձայն՝ վարակակիրների կեսի մոտ կասկածվում է «օմիկրոն» շտամը, սակայն այն հստակ հաստատված է միայն 13 մարդու շրջանում: