News
Լրահոս
News
Երկուշաբթի
Ապրիլ 15
Տեսնել լրահոսը

Ադրբեջանի նախագահ Իլհամ Ալիևն ընդունել է էներգետիկայի հարցերով Եվրամիության հանձնակատար Քադրի Սիմսոնին, ով մասնակցում է Հարավային գազային միջանցքի խորհրդատվական խորհրդի 10-րդ նախարարական հանդիպմանը և Կանաչ էներգետիկայի խորհրդատվական խորհրդի 2-րդ նախարարական հանդիպմանը։ Այս մասին հայտնում է APA գործակալությունը՝ հղում անելով ԱՀ նախագահի մամուլի ծառայությանը։ Հանդիպման մանրամասները դեռ չեն հաղորդվում։

Ելույթ ունենալով նախարարների հանդիպման ժամանակ՝ Ալիևն ասել է, որ «Հարավային գազային միջանցքը գործում է արդեն երեք տարի։ Սա հաջողության պատմություն է: Սա եվրասիական տարածքում խոշորագույն ենթակառուցվածքային նախագծերից մեկն է»։

Նրա խոսքով, բնական գազի արդյունահանումը կսկսվի հաջորդ տարվա առաջին եռամսյակում Ազերի-Չիրագ-Գյունեշլի բլոկի խորջրյա հատվածի զարգացման նախագծի շրջանակներում: Սա շատ հեռանկարային կառույց է՝ պաշարների շատ մեծ ծավալով, պարզաբանել է Ալիեւը։ Նշելով, որ Ազերի-Չիրագ-Գյունաշլին երկար ժամանակ եղել է մեր նավթի արտահանման հիմնական աղբյուրը, Ալիևը նշել է, որ հանքավայրի այս բլոկը Շահ Դենիզ և Ափշերոն հանքավայրերի հետ միասին կդառնա ադրբեջանական գազի մատակարարման լրացուցիչ աղբյուր։

Հիշեցնենք, որ հանդիպումն ընթանում է Եվրախորհրդարանի՝ Հայաստանի դեմ ագրեսիան կանխելու նպատակով Ադրբեջանի վրա ճնշում գործադրելու նախաձեռնության ֆոնին, մասնավորապես, նախօրեին առաջարկվել էր պատժամիջոցներ կիրառել նման ագրեսիայի դեպքում։

Ավելի վաղ Ալիեւը սպառնացել էր դուրս գալ Եվրախորհրդից, եթե ԵԽԽՎ-ում ադրբեջանական պատվիրակության լիազորությունները չվերականգնվեն։ Եվրոպացի պաշտոնյաների դիրքորոշումը, ինչպիսիք են Կադրի Սիմսոնը և Ուրսուլա ֆոն դեր Լայենը, որոնք Բաքվում Ալիևի գովքն էին անում, միայն խրախուսում է Ալիևի բռնապետական ​​ռեժիմը և հաստատում անպատժելիությունը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն պատժամիջոցներ է սահմանել պաղեստինյան երեք խմբավորման դեմ՝ Իսրայելի վրա հարձակման պատճառով
Այս խմբերը պատասխանատու են մարդու իրավունքների լրջագույն խախտումների համար...
Շվեդիայի պատվիրակությունն այցելել է Հայաստանում ԵՄ դիտորդական առաքելության հենակետեր
Շվեդիայի Խաղաղության, անվտանգության և զարգացման գործակալության, ոստիկանության և արտակարգ իրավիճակների գործակալության շվեդական...
Եվրահանձնաժողովը Վրաստանին կոչ է արել հետ կանչել օտարերկրյա գործակալների մասին օրինագիծը
Իշխող կուսակցության՝ [օտարերկրյա գործակալների] օրինագիծը վերստին ներմուծելու մասին հայտարարությունը մտահոգիչ է...
Հայաստանը վավերացրել է Եվրոպոլի հետ միջսահմանային հանցավորության դեմ պայքարի համաձայնագիրը
Վավերացումից հետո Նիդեռլանդներում կտեղակայվի կապի սպայի գրասենյակ...
ԵՄ-ն կստեղծի «Եվրոպական լեգեոն» արագ արձագանքման ուժեր
ԱՄՆ-ն առճակատման մեջ է Չինաստանի հետ...
«Դա կախված է Երևանում եւ Բրյուսելում կայացվող քաղաքական որոշումներից». Կլաարը՝ ԵՄ անդամության հեռանկարի մասին
ՀԱՊԿ անդամակցությունը խոչընդո՞տ է ԵՄ դրան, Կլաարն ուղիղ չպատասխանեց...
Ամենաշատ