նախընտրելի դարձնելՌուս հայտնի ընդդիմադիր Ալեքսեյ Նավալնին Քննչական կոմիտեի ղեկավար Ալեքսանդր Բաստիրկինին «արտասահմանյան գործակալ» է անվանել:
«Ծանոթացեք, սա գեներալ-գնդապետ, ՌԴ Քննչական կոմիտեի ղեկավար Ալեքսանդր Բաստիրկինն է` արտասահմանյան գործակալ», -իր «Կենդանի մատյանում»,- գրել է Ալեքսեյ Նավալնին` հաղորդագրությանը կցելով Բաստիրկինի լուսանկարը:
Ինչպես հաղորդում է «Մոսկովսկի կոմսոմոլեցը», Նավալնին շարունակել է Ալեքսանդր Խինշթեյնի հետաքննությունը, որը նա թերթի էջերում սկսել էր դեռեւս 2008 թ.:
Ինչպես իր բլոգում գրել է Նավալնին, դեռեւս 2008թ. «եդինոռոս» պատգամավոր Խինշթեյնը տվյալներ էր հրապարակել այն մասին, որ պետական բարձրաստճան ծառայող Բաստիրկինը Չեխիայում անշարժ գույքի սեփականատեր է եւ այնտեղ ընկերություն է հիմնել:
«Մենք որոշեցինք քննել այդ թեման: Անմիջապես պարզվեց, որ այն բավական հեշտ է. Չեխիայում ընկերությունների, անշարժ գույքի ունեցվածքի, քաղաքացիների կացության եւ այլնի մասին տեղեկատվությունը համարվում է հանրությանը հասանելի, այն կարող է խնդրել եւ ստանալ ցանկացած մարդ», - հայտնում է Նավալնին:
Ինչպես գրում է ընդդիմադիրը, 2007 թվականի փետրվարի 6-ին Ա. Ի. Բաստիրկինը, որն զբաղեցնում էր ՌԴ-ի Գլխավոր դատախազի տեղակալի պաշտոնը, տիրապետելով պետական գաղտնիքին, բնակության իրավունք էր ստացել ՆԱՏՕ-ի անդամ երկիր Չեխիայում` «գործադիր մենեջեր, իրավաբանական անձի մասնակցությամբ» ձեւակերպում ստանալու նպատակով:
Նավալնին մեղադրում է Բաստրիկինին նաեւ նրանում, որ վերջինս Խինշթեյնի հրապարակումից հետո սկսել էր թաքցնել հետքերը, որի համար «կեղծ գործարքներ է իրականացրել»: Ընդ որում ընդդիմադիրը պնդում է, որ 2008 թվականին Բաստրիկինը չի վճարել 50 000 չեխական կրոն հարկն իր ակտիվների վաճառքից եւ այդ գործարքը չի նշել Ռուսաստանի հարկայինում:
