նախընտրելի դարձնելՎրաստանի Արտաքին գործերի նախարարության նախկին փոխնախարար Գեորգի (Գոգա) Գոմիաշվիլիին օգոստոսի 3-ին մահացած են գտել իր սեփական տանը:
Նրան գտել են գլխի մասում հրազենային վնասվածքով, հայտնում են վրացական լրատվամիջոցները: Նախնական տվյալներով` Գոմիաշվիլին ինքնասպան է եղել:
Գոգա Գոմիաշվիլին փոխնախարարի պախտոնում աշխատել է Սալոմե Զուրաբիշվիլիի (2004-2005թթ.) օրոք` մինչև 2005 թ-ը:
Վերջին շրջանում Գոմիաշվիլին բիզնեսով էր զբաղվում եւ հանդիսանում էր Կովկասում եւ Միջին Ասիայում «Տոյոտա» ընկերության ներկայացուցչության փոխնախագահը:
Գոմիաշվիլիի ընտանիքի անդամները հայտնել են, որ տեղյակ չեն, թե ինչը կարող էր նախկին դիվանագետին դրդել ինքնասպանության:
Մինչդեռ «Իմեդիա» հեռուստաընկերությունը առաջ է քաշել մի տարբերակ, ըստ որի Գոմիաշվիլին ինքնասպան է եղել` ճապոնական ավտոընկերության ներկայացուցչության իր պաշտոնից հեռացվելու պատճառով:
