նախընտրելի դարձնելՀայտնի ռուս բլոգեր եւ ընդդիմադիր Ալեքսեյ Նավալնին հայտնել է, որ Կոռուպցիայի դեմ պայքարի հիմնադրամի գրասենյակում հայտնաբերվել է գաղտնալսման սարք:
«»Մենք ոստիկանություն ենք կանչել»,- Twitter –ի իր միկրոբլոգում հայտնել է Նավալնին, փոխանցում է «Ռոսբալտ»-ը:
Գաղտնալսման սարքը հայտնաբերել է «ՌոսՊիլ» նախագծի իրավաբան Անդրեյ Միշենկոյի բերած սարքավորումը: Նավալնիի աշխատասենյակում այս սարքավորումը «ծվծվոցից պայթում էր», հայտնում է «Ինտերֆաքսը»-ը:
Նավալնին գտնված սարքը անվանել է «չեխ հետախույզ Բաստրիկինի գաղտնալսման սարք»` նկատի ունենալով ՌԴ Հետաքննության կոմիտեի ղեկավարին: Նավալնին մեղադրել է Ալեքսանդր Բաստրիկինին այն բանում, որ վերջինիս համար շարունակվել են հասանելի մնալ պետական գաղտնիքներն այն դեպքում, երբ վերջինս արտասահմանում ուներ բիզնես, իսկ Չեխիայում` բնակության թույլտվություն:
Ինքը Նավալնին իր հերթին մեղադրվել է «Կիրովլես»-ի գործով եւ ներկայումս գտնվում է տնային կալանքի տակ:
«Կոռուպցիայի դեմ պայքարի հիմնադրամը» ոչ կոմերցիոն հիմնադրամ է, որը 2011 թ-ին ստեղծվել է Ալեքսեյ Նավալնիի կողմից: Հիմնադրամը միավորում է Նավալնիի բոլոր նախագծերը եւ միջոցներ է հայթայթում դրանց իրականացման համար, ընդ որում Նավալնին հրաժարվել է բոլոր անանուն նվիրատվություններից:
