նախընտրելի դարձնել
Ղրղըզստանում ավարտվել է ԱՊՀ երկրների Բարձրագույն վերահսկիչ մարմինների ղեկավարների խորհրդի 12–րդ համագումարը,որին մասնակցել է ՀՀ վերահսկիչ պալատի նախագահ Իշխան Զաքարյանը:
ՀՀ ՎՊ լրատվական ծառայությունից հայտնում են, որ Վերահսկիչների ուշադրության կենտրոնում այս անգամ եղել է էներգետիկ համակարգը:
Ռազմավարական նշանակություն ունեցող այդ կարեւոր ոլորտում ԱՊՀ վերահսկիչ պալատներն առաջիկա տարիներին կիրականացնեն մի շարք համատեղ եւ զուգահեռ վերահսկողական միջոցառումներ ու խորհրդակցություններ ինչպես երկկողմ, այնպես էլ բազմակողմ համագործակցության շրջանակներում:
Համագումարի ընթացքում ՀՀ ՎՊ նախագահը Իշխան Զաքարյանը առանձնազրույց է ունեցել Ռուսաստանի Դաշնության հաշվիչ պալատի նախագահ Սերգեյ Ստեպաշի հետ. պայմանավորվել են մինչեւ նոյեմբեր հանդիպել Երեւանում: Երկու վերահսկիչ կառույցները համատեղ նիստում կհաստատեն Հայաստան-Ռուաստան պարենային ապրանքների ներմուծման եւ արտահանման կարգավորման հարցերի համատեղ վերահսկողության արդյունքները:
Երեւանում Իշխան Զաքարյանն ու Սերգեյ Ստեպաշինը կստորագրեն նաեւ 2013-2015 թվականների համագործակցության հերթական ծրագիրը:
