նախընտրելի դարձնելԹուրքական Gercekgundem կայքում Հայաստանի եւ Թուրքիայի նախագահների վերաբերյալ հրապարակման տակ ընթեցողներից մեկը գրել էր վիրավորական մեկնաբանություն։ Թուրքական անվտանգության ծառայության աշխատակիցները չեն կարողացել գտնել տվյալ ընթերցողին, որի պատճառով թուրքական դատախազությունը գործ է հարուցել հիշյալ լրատվական կայքէջի գլխավոր խմբագրի դեմ՝ պահանջելով 5 տարի 4 ամիս ազատազրկում։
Խնդրահարույց տեղեկությունը եղել է այն, որ ՀՀ նախագահը հայտարարել էր, թե սահմանը մինչ ֆուտբոլային հայտնի խաղը եթե բացված չլինի կամ չլինի բացման նախաշեմին, չի այցելի Թուրքիա։ Türkeli 27 ծածկանունով ընթերցողը այդ տեղեկատվության տակ քննադատել է նաեւ Թուրքիայի նախագահ Գյուլի պահվածքը։ Այնուհետ հայցով արդարադատության նախարարություն է դիմել նախագահի գրասենյակի իրավական պատասխանատուն։ Արդարադատության նախարարությունն էլ իր հերթին հայցը ներկայացրել է հանրապետական դատախազություն։
Թուրքիայի ոստիկանության տեղեկատվական հանցագործությունների դեմ պայքարի վարչությունը պարզել է, որ վիրավորական մեկնաբանություն գրած ընթերցողը ինտերնետ է մտել Դանիայից եւ սրանով ավարտվել է փնտրտուքը եւ թիրախ է ընտրվել լրատվական կայքէջի խմբագիր Բարըշ Յարքադաշը։
