Վրաստանը ողջունում է հայ-թուրքական հարաբերություների կարգավորման ու սահմանի բացման հնարավորությունները։ Հունվարի 26-ին տեղի ունեցած Հայ-վրացական միջկառավարական հանձնաժողովի 8-րդ նիստին հաջորդած ասուլիսում հայտարարեց Վրաստանի վարչապետ Նիկա Գիլաուրին։ Ըստ նրա՝ հայ-թուրքական սահմանի բացումը չի ազդի բեռնափոխադրումների սակագների վրա։ «Իմ կարծիքով, սահմանի բացման դեպքում սակագները չեն փոփոխվի, բայց հայ-թուրքական սահմանի բացումը լավ ազդեցություն կունենա դիվերսիֆիկացման վրա»,- ասաց Վրաստանի վարչապետը՝ ավելացնելով, որ հայ-թուրքական սահմանի բացումը նաեւ Վրաստանի համար դրական կլինի։