նախընտրելի դարձնելՄեքսիկացի հնագետները նետի եւ նիզակի 60 ծայրակալ են հայտնաբերել, որոնք պատրաստվել են 3000-4500 տարի առաջ, տեղեկացնում է «artdaily.org»-ը:
Հայտնագործությունը կատարվել է Սինալոա նահանգում, Մազալտան քաղաքից 50 կմ հեռավորության վրա, որը հայտնի է քարե փորագրություններով: Պեղումները կատարվել են 2010-2012 թվականներին:
Գիտնականների խոսքով` նոր արդյունքները կարող են օգնել կողմնորոշվել հնագույն մարդկանց բնակության վայրերի հարցում, որոնք փորագրություններ են թողել:
Բացի նշված իրերից, գիտնականներին հաջողվել է գտնել նաեւ մի քանի դամբարաններ, որոնք, նախնական տվյալներով, թվագրվում են VIII- XIII դարերին: Այնտեղ գտնվել են կենցաղային բազմաթիվ առարկաներ, այդ թվում` լավ պահպանված ամանեղեն:
