ՆախընտրելիԱՄՆ կործանիչները փորձել են կտրել ռուսական «Տու-95» ռազմավարական ռմբակոծիչների ճանապարհը: Միջադեպը տեղի է ունեցել այն պահին, երբ նախագահ Բարաք Օբաման հանդես է եկել Կոնգրեսում, հաղորդում է ամերիկյան NBC հեռուստաալիքը:
Կոնտակտը տեղի է ունեցել Խաղաղ օվկիանոսում գտնվող ամերիկյան Գուամ կղզուց ոչ հեռու: Երկու «Տու-95»-ի ուղղությամբ թռել են մի քանի « F-15» կործանիչներ: Ակտիվ գործողություններ չեն իրականացվել. ռուսական օդանավերը չեն խախտել ԱՄՆ օդային տարածքը, կողմերը պրոֆեսոնալիզմ են դրսեւորել, ինչը թույլ է տվել խուսափել միջադեպերից:
«Դա սադրանք չի եղել, սակայն գրավել է մեր ուշադրությունը»,-աղբյուրի խոսքերն է փոխանցել հեռուստաալիքը: Ռուսաստանի պաշտպանության նախարարությունում միջադեպն առայժմ չեն մեկնաբանում, հաղորդում է «Ինտերֆաքսը»:
