նախընտրելի դարձնելԱրխանգելսկում տանիքներին կարմիր սառցալեզվակներ են հայտնվել:
Մասնագետները ձյան եւ սառցի նմուշներ են վերցրել: Նախնական վերլուծությունը ցույց է տվել, որ գունավորումը պայմանավորված է շրջակա միջավայրի աղտոտվածությամբ: Գունավոր նմուշներում նկատվել է հիդրոկարբոնատների եւ ամոնիումի իոնների մեծ քանակություն: Հիդրոկենսաբանական վերլուծությունը ցույց է տվել միկրոօրգանիզմների բացակայությունը: Մանրադիտակով նմուշները զննելու ժամանակ նկատվել են բուսական մանրաթելերի մնացորդներ եւ հանքային մասնիկներ:
Pozitime.ru-ն գրում է, որ կարմրավուն են ներկվել ոչ միայն սառցալեզվակները, այլեւ ձյունը: Անհասկանալի երեւույթը բավականաչափ վախեցրել էր տեղի բնակիչներին, սակայն ըստ գիտնականների` պատճառը շրջակա միջավայրի աղտոտվածությունն է: Վերջնական եզրակացություններ դեռ չեն արվել:
