նախընտրելի դարձնելԸնտրություններում ցնցումները Հայաստանի համար բնականոն են: Այդ մասին այսօր՝ մարտի 4-ին, «Ռուս-հայկական երկխոսություն. Քաղաքական եւ հումանիտար ձեւաչափեր» Մոսկվա-Երեւան հեռուստակամուրջի ընթացքում ասել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
«Րաֆֆի Հովհաննիսյանն իրեն հռչակել է Հայաստանի «նախագահ», իսկ զանգվածային ընտրախախտումները 1995թ.-ից ի վեր նույնպես բնական են», – նշել է Իսկանդարյանը: Ընդ որում, նա ընդգծել է, որ քվեարկության պաշտոնական արդյունքները չճանաչող նախագահի նախկին թեկնածու Րաֆֆի Հովհաննիսյանն ավելացրել է ձայները: Սակայն նա ստացել է ոչ միայն իր ձայները, այլեւ այն քաղաքական ուժերի, որոնք չէին մասնակցել ընտրական գործընթացին:
Հիշեցնենք, որ ըստ պաշտոնական տվյալների՝ «Ժառանգություն» կուսակցության նախագահ Րաֆֆի Հովհաննիսյանը հավաքել է ձայների 37%-ը: Այսօր նրա թիմն ընտրություններն անվավեր ճանաչելու հայտ կներկայացնի Սահմանադրական դատարան:
Լուսանկարը՝ Արսեն Սարգսյանի / NEWS.am
