նախընտրելի դարձնելԱյս տարվա փետրվարին Ադրբեջանը մոտ 1300 անգամ խախտել է հրադադարի ռեժիմը Հայաստանի եւ ԼՂՀ սահմաններին:
Հայաստանի ՊՆ տվյալներով` Ադրբեջանի զինված ուժերը մոտ 230 անգամ կիրառել են դիպուկահար զենք, մոտ 115 անգամ խոշոր տրամաչափի զենք, այդ թվում 45 անգամ խոշոր տրամաչափի դիպուկահար զենք: Ադրբեջանի կողմից հրադադարի ռեժիմի խախտման արդյունքում զոհվել է 2 եւ վիրավորվել 3 զինծառայող: Բացի այդ, վիրավորվել է մեկ քաղաքացիական անձ:
Հունվարին Ադրբեջանը հրադադարը խախտել է 860 անգամ:
Ադրբեջանի զինված ուժերը հունվարին մոտ 160 անգամ կիրառել են դիպուկահար զենք, մոտ 20 անգամ խոշոր տրամաչափի զենք, այդ թվում 15 անգամ խոշոր տրամաչափի դիպուկահար զենք:
Հունվարին հայկական կողմը զոհեր եւ վիրավորներ չի ունեցել:
2012 թվականին Ադրբեջանը հրադադարը խախտել է 16 300 անգամ:
Նշենք, որ վերջին տարիներին Ադրբեջանը անընդհատ նոր «ռեկորդներ» է սահմանում այդ ոլորտում. եթե 2006-ին ադրբեջանական կողմը հրադադարը խախտել է մոտ 600 անգամ, ապա 2007-ին՝ արդեն 1400 անգամ, 2008-ին՝ 3500 անգամ, 2009-ին՝ 4600 անգամ, 2010-ին՝ 7200 անգամ, 2011-ին՝ 12 600 անգամ:
