նախընտրելի դարձնելԵրեւանի Ավագանու ընտրությունները քաղաքական են ոչ թե իրենց ձեւով, այլ՝ բովանդակությամբ: Այդ մասին այսօր` ապրիլի 1-ի մամուլի ասուլիսում հայտնել է Հայաստանի Քաղաքագետների միության նախագահ Հմայակ Հովհաննիսյանը: «Գործող նախագահ Սերժ Սարգսյանն իր հարցազրույցում նշել էր, որ մայրաքաղաքի ավագանու կայանալիք ընտրությունները կարող են դառնալ «Ժառանգության» առաջնորդ Րաֆֆի Հովհաննիսյանի համար ելքերից մեկը, որը կարող է տիրել երկրի զգալի մասում: Սարգսյանն այդպիսով փորձում է բաժանել իշխանությունը», - նշել է քաղաքագետը: Ըստ նրա համոզման` իշխանությունը թերագնահատել է Րաֆֆի Հովհաննիսյանի ներուժը նախագահական ընտրություններում:
«Եթե մայրաքաղաքի խորհրդի ընտրություններն անմիջապես չհաջորդեին նախագահականին, իսկ վերջինիս արդյունքները վիճարկելի են, ապա դրանք բացառապես տեղային բնույթ կկրեին», - նկատել է քաղաքագետը` ընդգծելով, որ հաջողության հասնելու համար ընդդիմադիր ճամբարը պետք է լուրջ հարթակ ձեւավորի:
Խոսելով նախկին թեկնածու Պարույր Հայրիկյանի բուժման համար կառավարության հատկացրած գումարի մասին` նա ասել է. «Ոմանք կարող են մտածել, որ դրա փոխարեն Հայրիկյանը համաձայնել էր չտեղափոխել ընտրությունները: Դրանից կտուժի Պարույր Հայրիկյանը»: Ըստ քաղաքագետի` Հայաստանի ներկայիս իշխանությունները քաղաքական գործիչներին փչացնելու վարպետներ են, իսկ գործող նախագահ Սերժ Սարգսյանը պարզապես գրոսմայստեր է այդ հարցում:
