ՆախընտրելիՌուսաստանի Ստավրոպոլ երկրամասում դաշտերը փոշոտող Ան-2 ինքնաթիռ է ընկել:
Նախնական վարկածով՝ օդանավում երկու մարդ է եղել, որոնցից մեկը զոհվել է: Այս մասին մայիսի 15-ին հայտնել է «Ռիա Նովոստին»՝ վկայակոչելով իրավապահ մարմինների աղբյուրին:
Այնինչ ԱԻՆ-ի կայքում նշվում է, որ վթարի հետեւանքով ոչ ոք չի զոհվել: Ըստ գերատեսչության տվյալի` Ան-2-ի երկու օդաչու վնասվածքներ են ստացել: Ըստ գերատեսչության տարածաշրջանային վարչության տեղեկության` օդանավը վթարային վայրէջք է կատարել, այլ ոչ թե ընկել: «Ինտերֆաքսը», վկայակոչելով ուժային կառույցների անանուն աղբյուրին, հայտնում է, որ օդանավում ընդամենը մեկ մարդ է եղել, որը զոհվել է:
Դեպքը կատարվել է Նովոսելիցկի շրջանի Չերնոլեսկոյե գյուղում: Ըստ «Ինտերֆաքսի»` օդանավը դիպել է էլեկտրահաղորդման գծերին:
