նախընտրելի դարձնելԹվում էր, տարիքային ցենզի ամրագրումից հետո, առաջին նախագահ Լեւոն Տեր-Պետրոսյանը խիստ սահուն դուրս կգա քաղաքական դաշտից` հնարավորություն տալով իր անձին հարգանքով վերաբերվողներին շուտ մոռանալ այն խառնակ ժամանակահատվածը, որն ուղեկցեց իրեն 2008-ից այս կողմ` մինչեւ բոլորի, այդ թվում եւ իր անցյալի հուշ` ՀՀՇ-ի ավերում, «սարատնիկների» ոչնչացում: Այս մասին գրում է «Իրատես de facto» թերթը եւ հավելում. «Սակայն, ինչպես երեւում է, նա փորձում է բոլոր աղբյուրների հուները փակելով շարունակել «քալել բեմին վրա»:
Թվում էր, նորմալ է, որ ՀՀՇ-ի գաղափարական մասը` Ալիկ Արզումանյանը, Հովհաննես Իգիթյանը, վերականգնեին ՀՀՇ-ն: Հակառակը լրիվ անհասկանալի կլիներ:
Հիմա էլ ՀԱԿ-ն ու Լեւոնը դրան են խոչընդոտում: Ի՞նչ է ստացվում: Սույն անհասկանալի, «ջրի կշտին նստած վիշապը» մի կողմից ՀԱԿ-ն է իրենով արել, չի թողնում մնացածները` ՀԱԿ իրական անդամները, շնչեն, վերակազմակերպվեն, արեւի տակ մի ոտնատեղ ունենան, ասում է` ՀԱԿ-ն իմն է: Միայն իմը: ՀՀՇ-ն էլ է իմը` իր բոլոր դրսեւորումներով: Միա՛յն իմը: ԲՀԿ-ն, անգամ, իմն է` ասում է: Սա բավական չէ, հետն էլ ասում է` ընդդիմադիր ԲՀԿ-ն էլ է իմը։
Իսկը ոսկե ձկնիկի պառավի պատմությո՞ւնը:
Սպասենք «հեքիաթն» ավարտվի»,- գրում է «Իրատես de facto»-ն (Մանրամասները՝ թերթի այսօրվա համարում):
