նախընտրելի դարձնելԵրեւանում, մայիսի 25-ին` ժամը 15:00-ին, Ավ. Իսահակյանի տուն-թանգարանում (Բաղրամյան պողոտային զուգահեռ, Զարոբյան 20 հասցեում) տեղի կունենա «Հայաստանի թանգարանների համար» երկրորդ ցուցահանդես-վաճառքի բացման արարողությունը:
Այս անգամ ցուցահանդես-վաճառքը կտեւի մինչեւ մայիսի 31-ը:
Կոլաժիստ Կարինե Վարդանյանի (Կարե Վարտին) նախաձեռնությունը նպատակ ունի խթանել թանգարաններ եւ պատկերասրահներ այցելությունները, ինչպես նաեւ օժանդակել Հայաստանի թանգարաններին:
Այս անգամ հասույթի 30%-ը նվիրվելու է Ավ. Իսահակյանի տուն-թանգարանին: Ինչպես նաեւ՝ 10%-ը հատկացվելու է ռեժիսոր, պրոդյուսեր եւ սցենարիստ Լուսինե Գեւորգյանին, ով առողջական խնդիր ունի եւ բուժում ստանալու համար` դրամական աջակցության կարիք ունի:
Նախաձեռնությանն իրենց աշխատանքներով միացել են նաեւ նկարիչ Արմեն Գրիգորյանը, ստեղծագործողներ՝ Աննա Վրթանեսյանը, Անի Ռոշոյանը, Մամիկոն եւ Աշոտ Միքայելյանները, Նունե Սաքեյանը եւ 11-ամյա Մենե Հովհաննիսյանը:
Այս նախաձեռնությունը լինելու է շարունակական, հաջորդ անգամ ընտրվելու է մեկ այլ թանգարան:
