Մոսկվայի կենտրոնում սպանվել է զգոսաշրջային ընկերության գրասենյակի աշխատակցուհին: Կնոջը դանակի տասնյակ հարվածներ են հասցրել: 

Ըստ իրավապահ մարմինների աղբյուրի տվյալների`  գիշերը ոստիկանություն է դիմել 34-ամյա մի տղամարդ եւ հայտնել, որ Հաշեկի փողոցի №9 հասցեում գտնվող զբոսաշրջային գործակալության գրասենյակում  աշխատող իր քաղաքացիական կնոջը սպանված վիճակում է գտել, հայտնում է gazeta.ru-ն:

Դեպքի վայր ժամանած ոստիկանության աշխատակիցները կոտրել են գրասենյակի ներսից փակ դուռը եւ հայտնաբերել սպանվածի մարմինը: Աղբյուրը նշել է, որ փորձագետները մարմնի վրա հայտնաբերել են  գլխի վնասվածք, ինչպես նաեւ դանակով հասցված տասը վերք: Ըստ բժիշկների` կինը մահացել է մայիսի 22-ի ցերեկը: