Եգիպտոսի իշխանությունները երկրի Կենտրոնական բանկի նախկին ղեկավար Ֆարուք էլ Օքդեին առաջարկել են ժամանակավորապես  զբաղեցնել երկրի վարչապետի պաշտոնը: Էլ Օքդեի հետ բանակցություններն սկսվել են, երբ այդ պաշտոնից հրաժարվել է ԱԷՄԳ-ի նախկին ղեկավար եւ ընդդիմության առաջնորդներից Մուհամեդ էլ Բարադեյը: 

Այս մասին հայտնում է «Ալ Ահրամ» թերթը` վկայակոչելով իրազեկ աղբյուրներին, հաղորդում է «Ինտերֆաքսը»:

Կենտրոնական բանի ղեկավարի մերժումից հետո կքննարկվեն բանկիր Ադել էլ Լյաբանի եւ աշխարհահռչակ  եգիպտացի բժիշկ-ուրոլոգ Մուհամեդ Գոնեյմի թեկնածությունները: