Մոսկվայում ձերբակալել են էթնիկ հանցախմբի անդամների` 25-29 տարեկան չորս ադրբեջանցու: Ձերբակալվել է նաեւ պետերբուրգցի 26-ամյա մի աղջիկ: Նրանք թալանում էին ոսկերչական խանութներ` Կենտրոնական, Հյուսիսարեւմտյան եւ Պրիվոլոժյան դաշնային շրջաններում:

Ռուսաստանի ՆԳՆ-ի մամուլի ծառայությունը հայտնում է, որ թալանի ընթացքում հանցագործները հրազեն են կիրառել: Հանցախմբում պարտականնությունները հստակ սահմանված են եղել,  դրա անդամները գաղտնի կենսակերպ են վարել` մշտապես փոխելով հասցեները եւ հեռախոսահամարները: Ըստ առկա տեղեկատվության` միայն Սանկտ Պետերբուրգում չարագործները տասնյակ կողոպուտներ են իրագործել: 

Ձերբակալության ժամանակ հանցախմբի անդամներից առգրավել են Մակարով ատրճանակ` հինգ փամփուշտներով: Ձերբակալվածների բնակարաններում հայտնաբերել են  թալանված խանութների պիտակներով մեկուկես կգ թանկարժեք զարդեր:   Հանցախմբի ձերբակալման գործողությունն իրականացրել են  ՆԳՆ-ի Քրեական հետախուզման գլխավոր վարչության աշխատակիցները` Մոսկվայի, Սանկտ Պետերբուրգի եւ Նիժնի Նովգորոդի գործընկերների աջակցությամբ: