Աշնանը հատկապես ակտուալ է դդմի կիրառումը: Բայց եթե ստամոքսի խոց, տասներկումատնյա աղիքի կամ գաստրիտի հետ կապված խնդիրներ կան, ավելի լավ է խուսափել դրանից:

Սակայն դդում սիրելու բազում պատճառներ կան: Այն օգնում է բարձրացնել դիմադրողականությունը, ազատվել ավելորդ կիլոգրամներից, պաշտպանել օրգանիզմը ուռուցքաբանական հիվանդություններից, գրում է  Huffpost Healthy Living-ը:

Հատկապես աշնանը ակտուալ են դդմային կերակրատեսակները, որոնք կարող են հիանալի պայքարել հարբուխի դեմ:

Մասնագետներն ասում են, որ դդումը հատկապես օգտակար է «թույլ կոկորդ» ունեցողների համար. այն օգնում է կանխել անգինայի, ֆարինգիտի եւ տոնզիլիտի զարգացումը:

Դդմի մեջ առկա դիետիկ մանրաթելը եւ պեկտինը նպաստում են «վատ» խոլեստերինի մակարդակի նվազմանը: Բացի այդ, դրանում առկա  պրովիտամին A-ն բարելավում է արյան շրջանառությունը՝ կանխելով տրոմբների ձեւավորումը, գրում է gorod.lv-ն: