նախընտրելի դարձնել
Կյանքից հեռացել է ՀՀ վերաքննիչ քրեական դատարանի դատավոր Մասիս Սամսոնի Ռեհանյանը: Այդ մասին հայտնում են դատական դեպարտամենտի մամուլի ծառայությունից:
ՀՀ դատական համակարգը սգում է դատավորի մահը եւ խորապես վշտակցում նրա ընտանիքին ու մերձավորներին։
Մասիս Սամսոնի Ռեհանյան
Ծնվել է 1961 թվականին Իրանի հանրապետության Թեհրան քաղաքում։
Միջնակարգ կրթություն ստացել է Էջմիածին քաղաքի թիվ 2 դպրոցում
1980 թվականից մինչեւ 1982 թվականը ծառայել է խորհրդային բանակում:
1983 թվականից մինչեւ 1988 թվականը սովորել է Երեւանի Աշխատանքային Կարմիր Դրոշի շքանշանակիր պետական համալսարանի իրավաբանական ֆակուլտետում։
1988 թվականին նշանակվել է աշխատանքի ՀՀ ՆԳ նախարարության Երեւան քաղաքի Շահումյանի շրջանի ՆԳ բաժնի քննչական բաանմունքի քննիչի պաշտոնում։
1994 թվականին ՆԳ նախարարի հրամանով նշանակվել է Մասիսի շրջանի քննչական բաժանմունքի պետի պաշտոնում։
1996 թվականից մինչեւ 2001 թվականն աշխատել է ՀՀ ՆԳ եւ ԱԱՆ Քննչական գլխավոր վարչության Արարատի մարզային քննչական բաժնի պետ։
2001 թվականին ՀՀ Նախագահի հրամանագրով նշանակվել է Երեւան քաղաքի Էրեբունի եւ Նուբարաշեն համայնքների առաջին ատյանի դատարանի դատավորի պաշտոնում։
2006 թվականից աշխատել է Երեւան քաղաքի Արաբկիր եւ Քանաքեռ-Զեյթուն համայնքների առաջին ատյանի դատարանի դատավոր։
2008 թվականից առ այսօր աշխատել է ՀՀ վերաքննիչ քրեական դատարանի դատավոր:
